ଚା କପ୍ ରେ ତୁମେ

ଯେତେବେଳେ

ନିଆଁ ଉପରେ ପାଣି ଫୁଟୁଥିଲା 

ମୋ ହୃଦୟର

ମୁଁ କାର ଓ ଅଧିକାର 

ମୋତେ ଅଧିକ ଆନ୍ଦୋଳିତ କରୁଥିଲା ।

ତତଲା ପାଣିରେ !

ଯେବେ ଚା'ପତି ଓ ଚିନି ମିସିଲା

ଭାବିନେଲି,

ଶୀତ ରାତିର ଉଷୁମ ପରସେ

ମୋ ପର୍ଣ୍ଣ କୁଟୀର ମଧୁମୟ ହେଲା ।

ଯେବେ ଚା କୁ ଛାଣି

କପ ରେ ପୁରାଇ ଦିଆଗଲା 

ଲାଗିଲା ଯେମିତି,

ତମ ମୋ ଭିତରର

ସମ୍ପର୍କରେ ଥିବା ସନ୍ଦେହ ସବୁ

ଦୁରୀଭୂତ ହେଲା ।

ହୃଦୟତାର ସହ

ଅତି ସନ୍ତର୍ପଣେ ଆସି

ଚା କହି

ଯେବେ କପ୍ ଟି ସମର୍ପିଲ

ବୁଝିନେଲି 

ସମଗ୍ର ପୃଥୀବୀ ଟି ମୋର ବୋଲି ।

କପ ଟି ହାତରେ ଧରି ଦେଖିଲି

ଚା କପ୍ ର

ତତଲା ଚା ରେ

ଗୋଲାପି ଅଧରେ

ତୁମ ଗୋଲାକାର ମୁହଁକୁ ଦେଖିଲି ।

ଯେବେ ଓଠରେ ସ୍ପର୍ଶ କଲି

ମୋ ମରୁଭୂମିରେ

କଅଁଳିଲା ଘାସ

ପାଇଲି

ତୁମ ଓଠର ସ୍ପର୍ଶ

ଦେହର ସୁବାସ 

ତେବେ ତ ମୁଁ

ସମଗ୍ର ସାନ୍ନିଧ୍ୟକୁ ଆୟତ୍ତ କରିଲି ।