Library
ରହସ୍ୟ
ରହସ୍ୟ
ଏଇ ଜୀବନଟା ଏକ ରହସ୍ୟ
ସଦା ନିନ୍ଦା ପ୍ରଶଂସା ଅଟ୍ଟହାସ୍ୟ |
ଜନ୍ମ ହୁଏ ଏଠି ଜୀବ ଅଜ୍ଞାତ
ପରେ ହୋଇଥାଏ ସୁ- କୁଖ୍ୟାତ |
ଏଠି କିଛି ବି ତ ନୁହେଁ ନିଜର
ତଥାପି ସବୁ କହନ୍ତି ମୋର ମୋର |
ମାୟା ଜାଲ ବିଛାଇଛି କିଏରେ
ସମସ୍ତଙ୍କୁ ମାୟେ ବାନ୍ଧି ଦିଏରେ |
ଦିଶେ ସବୁ ପଶୁପକ୍ଷୀ ଏକା ପ୍ରକାର
ପଶୁପାଳକ ଚିହ୍ନେ କେ କାହାର |
ରହସ୍ୟମୟ ଏ ସଂସାର
ଆଜି ଯେ ପର କାଲି ଆପଣାର |
ଆଖି ଖୋଲି ଦେଲେ ଦିଶେ ଅପାର
ଆଖି ବୁଜିଦେଲେ ସବୁ ଅନ୍ଧାର |
ଖାଦ୍ୟ ଖାଏ ଜୀବ ଭିନ୍ନ ପ୍ରକାର
କିନ୍ତୁ ପାଏ ରକ୍ତ ମାଂସ ଶରୀର |
ପୁଣି ରହସ୍ୟ ରହିଛି ପାଦପେ
ମାଟିପରେ ବଢନ୍ତି ଆପେ ଆପେ |
ସବୁ ବୃକ୍ଷ ଜନ୍ମେ ଗୋଟେ ମାଟିର
କିନ୍ତୁ ଫୁଲ ଫଳ ଗନ୍ଧ ଭିନ୍ନ ତାର |
ମାଟିରୁ କି ପାଏ ତାହା ରହସ୍ୟ
ଯୋଗାଏ ମିଠା ଫଳ ଖାଦ୍ୟ ଶସ୍ୟ |
ଆଉ ଏକ ରହସ୍ୟ ଯେ ମନୁଷ୍ୟ
ହୋଇଛି ଗଠନ ଏକା ଅବଶ୍ୟ |
ତଥାପି ରୂପ ଗୁଣ ଭିନ୍ନ ପ୍ରକାର
କଥାବାର୍ତ୍ତା ବି ଅଲଗା ସଭିଙ୍କର |
ପୁଣି ଜୀବ ମଧ୍ୟେ ଗୂଢ଼ ରହସ୍ୟ
ଗଠନ ଆକାର ଗୁଣ ଭିନ୍ନ ସର୍ବସ୍ବ |
କେ ସ୍ତନ୍ୟପାୟୀ ସରୀସୃପ ଅଣ୍ଡଜ |
ପୁଣି କୀଟ ପତଙ୍ଗ ପଶୁପକ୍ଷୀ ଜଳଜ ସ୍ଥଳଜ |
ରହସ୍ୟ ଯେ ଜନ୍ମ ଆଉ ମରଣ
ଜନମି ଶରୀରୁ ମାଟିରେ ଲୀନ |
ସବୁଠୁ ଦୁର୍ଲଭ ଏହି ମନୁଷ୍ୟ
ଜଳ ସ୍ଥଳ ଆକାଶେ ତାର ବାସ |
ଏମିତି ରହିଛି ଅନେକ ରହସ୍ୟ
ସବୁ କିଛି ମାୟାମୋହ ଅବଶ୍ୟ |
ରହସ୍ୟ ଅଟେ ବିଜ୍ଞାନ କରାମତି
ଆଶ୍ଚର୍ଯ୍ୟ ଜନକ କାର୍ଯ୍ୟ ଯେ କରୁଛି |
ରହସ୍ୟ ସବୁ ଜନ୍ମରୁ ମରଣ
ଶେଷେ ମାଟିରେ ହୋଇବା ବିଲୀନ |
ତେଣୁ କରିଣ ସମସ୍ତେ ସୁକର୍ମ
ରହସ୍ୟମୟ ହୋଇ ରହୁ ସଦା ନାମ |
