Library
ବିଶ୍ୱ ସାକ୍ଷରତା ଦିବସ ଅବସରରେ
ବିଶ୍ୱ ସାକ୍ଷରତା ଦିବସ ଅବସରରେ
ପ୍ରତିବର୍ଷ ସେପ୍ଟେମ୍ବର ୮ ତାରିଖଟିକୁ
ଏହି ବିଶ୍ୱରେ
ପାଳନ କରୁଛେ ବିଶ୍ୱ ସାକ୍ଷରତା
ଦିବସ ରୂପରେ |୧|
ବିଶ୍ୱରେ ସାଢ଼େ ୭୭ କୋଟି ଜନତା
ନିରକ୍ଷର ଅଛନ୍ତି
ପ୍ରତି ପାଞ୍ଚ ଜଣରେ ଜଣେ ନିରକ୍ଷର
ପରା ରହିଛନ୍ତି |୨|
ବିଶ୍ୱର ବହୁ ଗରିବ ନିରକ୍ଷର ଅକୁହା
ମନର ଭାଷା
ରଖିଛନ୍ତି ସାକ୍ଷରତା ପାଇଁ ନିଜ ବିକାଶ
ପଥର ଆଶା |୩|
ସ୍ୱାକ୍ଷର ହୋଇ ଆଗକୁ ବଢିବେ ଏହା
ଉନ୍ନତିର ସିଡ଼ି ଚଢି
ନୂଆ ସମାଜ ଗଢିବେ ବଦଳିବାର ଆଶା
ତାଂକ ସ୍ୱପ୍ନର ବାଡି |୪|
ସେ ପ୍ରାଣର ନବ ଆଶା ଦିଗର ଏହି
ନୂଆ ଚିନ୍ତାଧାରା
ଆନନ୍ଦ ବଦଳରେ ସେମାନଂକର ବହେ
ଆଜି ଲୁହ ବର୍ଷାର ଧାରା |୫|
ଆମ ସମ୍ବିଧାନର ଏକ ମୌଳିକ ଅଧିକାର
ଧାରା ଶିକ୍ଷା ପାଇବାର
ଏତେ ବର୍ଷ ପରେ ଶିକ୍ଷାରେ ଆଲୋକିତ
ହୋଇଛନ୍ତି କି ଯେତେ ନିରକ୍ଷର |୬|
ଛାତି ତଳେ ଗୁମ୍ଫିତ ଅଛି ତାଂକର ମନରେ
ଅୟୁତ ବେଦନା
ତାଂକ ଭାବ କିଏ ବୁଝିବ ନଥିଲେ ମନରେ
ମଣିଷତ୍ୱର ଚେତନା |୭|
ହିମାଚଳ-ଗିରି-ମୁକୁଟ-ଶୋଭିନୀ ଏଇ
ମୋ ଦେଶ ମହାନ
ବୈତରଣୀ ପତିତ-ପାବନୀ ଗଙ୍ଗା ଓ
ସାଗର ଧୁଏ ତାର ଚରଣ |୮|
ହିନ୍ଦୁ ମୁସଲିମ ଜୈନ ଖ୍ରୀଷ୍ଟିୟାନ ଭେଦ
ଭାବ ନାହିଁ ସର୍ବେ ଅଟନ୍ତି ସମାନ
ଗାନ୍ଧି ଗୋପବନ୍ଧୁ ନେହେରୁ ସୁଭାଷ କୋଳେ
ଧରି ମୋ ମାଟୁ ହୋଇଛି ଧନ୍ୟ |୯|
ଧରମା ବାଜି ରାଉତ ଖୁଦୀରାମ ହସି ହସି
ଦେଲେ ଦେଶ ଲାଗି ପ୍ରାଣ
ବୀର-ପ୍ରସବିନୀ ମାଆ ଆମର ନିରକ୍ଷରତା
ଆମେ ଦୂର କରିବା ଜାଣ |୧୦|
ପୁସ୍ତକ ଦାନ କରି ପାଠାଗାର କରି ଏ ଦିବସକୁ
ଆମେ ପାଳନ କରିବା
ଆସ ମୋର ଭଉଣୀ ଭାଇ ଲାଗି ପଡି ପଢ଼ିବା
ଓ ଶିଖିବା ପାଇଁ ପ୍ରୋତ୍ସାହନ ଯୋଗାଇବା |୧୧|
