ଗୁରୁ ଏକ ଶବ୍ଦ ନୁହେଁ
ଗୁରୁ ଏକ ଶବ୍ଦ ନୁହେଁ
କହି ଶୁଣି ହେଜିଯିବା ଭଳି
ଗୁରୁ ଏକ ଶବ୍ଦ ନୁହେଁ ମାତ୍ର,
ଗରିୟାନ ଗୁରୁ ଭାବ ଅବବୋଧ
ଅଭ୍ୟାସ ଆୟାସସାଧ୍ୟ
ଅଧିକ ନିଶବ୍ଦ ।
ଭକ୍ତି ,ନିଷ୍ଠା ,ସମର୍ପଣ
ଆଦର୍ଶ ଉତ୍ତମ ଗୁଣ
ଆହରଣେ ଗୁରୁ ଜ୍ଞାନାଞ୍ଜନ,
ପିତା ସମ ଗୁରୁଙ୍କ ପ୍ରସାଦୁ
ମିଳେ ଦିବ୍ୟଜ୍ଞାନ
ମାର୍ଗଦ୍ରଷ୍ଟା ଗୁରୁ ଶିଖା
ସମୁଜ୍ଜ୍ୱଳ ଆଲୋକବର୍ତ୍ତିକା
ଗୁରୁ ସ୍ରଷ୍ଟା ଭାଗ୍ୟର ବିଧାତା ।
ସୁଗଭୀର ଗୁରୁତତ୍ତ୍ୱ
ସତ୍ୟ ଶିବ ସୁନ୍ଦର ଦର୍ଶନ,
ସୁକର୍ତ୍ତବ୍ୟବୋଧ ଗୁରୁଶ୍ରଦ୍ଧା
ଆତ୍ମଜ୍ଞାନ ଆଦର୍ଶ ବିଚାର
ସର୍ବକାଳେ ପୂଜନୀୟ ଗୁରୁ ଶ୍ରେଷ୍ଠ
ଗୁରୁ ବ୍ରହ୍ମା ଗୁରୁ ବିଷ୍ଣୁ ଗୁରୁଦେବ
ସାକ୍ଷାତ ଈଶ୍ୱର ।