Library
Profile
ଦେଖିଲି କାଲି
ଦେଖିଲି କାଲି
ଦେଖିଲି କାଲି
ଥୁଣ୍ଟା ଗଛ ଡାଳକୁ ଠେଲି
ଫୁଲଟିଏ ଫୁଟି ହସି ଚାଲିଛି
ପବନରେ ଦୋଳି ଖେଳୁଛି
କହୁଛି
ଭାବନା ହିଁ ସମ୍ଭାବନା ପ୍ରବୋଧନା ।
ସକାଳ ଆକାଶରେ
ପକ୍ଷୀଦଳେ ଡେଣା ଝାଡି
ଆନନ୍ଦରେ ରାବି ଉଡି
କହୁଛନ୍ତି
ସ୍ଵାଧୀନ ହିଁ ସର୍ବାଙ୍ଗୀନ ଉଡାଣ ।
ପାତଳ କୁହୁଡିରେ
କ୍ଷୀରବାଲା ଆସୁଛି ଗୁଣୁଗୁଣେଇ
ବାପି ଲାହିରୀ ଦାଦାଙ୍କ ଦେହାନ୍ତେ ଗାଇ
କହୁଛି
ମରଣ ହିଁ ପ୍ରଭୁ ସ୍ମରଣ ସରଣ ।
ସକାଳ ଭ୍ରମଣ
ଋତୁରାଜ ବସନ୍ତର ଆଗମନ
ଲାଜେଇ ଶୀତର ପ୍ରଭାବ ଶୂନ୍ୟ
ଲାଗୁଛି
ଅତିକ୍ରମଣ ହିଁ ପରିସରଣ ଋତୁରମଣ ।
ଆମ୍ବ ଗଛରେ
ଡ଼ାଳେ ଡ଼ାଳେ ବଉଳ କଅଁଳିଛି
କରେ।ନା ଭୟରେ ଡ
ରି ଯାଇଛି ବୋଧେ
କହୁଛି
ମହାମାରି ହିଁ ସୁକୁମାରୀ ଖ୍ୟାତିମାରୀ ।
ମାଙ୍କଡ ପଲେ
ଛାତ ଉପରୁ ଡେଇଁଲେ ଗଛକୁ
କଅଁଳ ପତ୍ରକୁ ପାକୁଳେଇ ଡେଉଁ ଆଗକୁ
କହୁଛନ୍ତି
ପେଟ ହିଁ ସର୍ବମୋଟ ପ୍ରଭାତଭେଟ ।
କଦଳୀ ଗଛ ପାଟିଆ
ସଗର୍ବେ ଠିଆ
ବିସ୍ତାରୀ ବାହୁଙ୍ଗା ହିଆ
ଭଣ୍ଡା ପଡିଛି ନୂଆ
କହୁଛି ସଫଳତା ହିଁ ବାସ୍ତବତା ସାର୍ଥକତା ।
ମନେ ପଡିଲା ଜେଜେଙ୍କ କଥା
ସକାଳୁ ବୁଲା ସ୍ୱାସ୍ଥ୍ୟ ସଂହିତା
ପ୍ରକୃତି ସହିତ ଆସ୍ତୀୟତା ମିତ୍ରତା
ତରୁ ତୃଣ ସାଥେ ନିବଡ଼ ବନ୍ଧୁତା
ପଶୁ ପକ୍ଷୀ ସଂଗେ ଆନ୍ତରିକତା
ସର୍ବୋପରି ବୁଝିପାରିଲି !
ବସୁଧା ପ୍ରକୃତି ମଣିଷର ନିବିଡ଼ତା
ଶାନ୍ତି ମୈତ୍ରୀ ପ୍ରଗତିର ଅଙ୍ଗବଦ୍ଧତା ।
