କରିବ ଇଚ୍ଛା ପୂରଣ

ଅର୍ଥ ବାହୁବଳ ଅବା କ୍ଷମତାରେ ବଳୀୟାନ

ପାରେ ନାହିଁ ଚିହ୍ନି କେବେ ମହତ ଓ ମାନ

ଭିଡି କଳ କଉଶଳେ ନିଜ ହାତ ମୁଠା ମଧ୍ଯେ

ରଖିବାକୁ ଚାହେଁ ସିଏ ଉଚ୍ଚ ପଦବୀ ସମ୍ମାନ ।

ବିଶ୍ବାସ ସମାଜ ସେବା ସୁସଙ୍କଳ୍ପ ଆଦର୍ଶକୁ

ସହଜେ ସେ ପାଦତଳେ ଦଳି ଓ ଚକଟି

ବଢାଏ ନିଜର ପୁଞ୍ଜି ମାଳ ମାଳ କୋଠାବାଟି

ସଞ୍ଚେ ସାତ ପୁରୁଷକୁ ଶୋଷି ରକ୍ତ କାଟି କାର ତଣ୍ଟି ।

ଆଦିଦେବ ସନାତନ ସର୍ବଜ୍ଞାତା ହେ ଅନନ୍ତ

ପରମ ପୁରୁଷ ତୁମେ ଜଗନ୍ନାଥ ପୁରୁଷ ଉତ୍ତମ 

ଜଗତର କଣେ କଣେ ପରିବ୍ଯାପ୍ତ ଭଗବାନ

ସର୍ବାତ୍ମାରେ ବିରାଜିତ ପରିପୂର୍ଣ୍ଣ ସର୍ବଶକ୍ତିମାନ ।

ଅଭୟ ଶ୍ରୀପଦାରବିନ୍ଦେ ସବିନୟ ନିବେଦନ 

କୋଟି କୋଟି ପ୍ରଣିପାତ ଭକ୍ତି ସମର୍ପଣ 

ଉଦ୍ଧର ପତିତଜନେ ନଦିଅ ଦୁଃଖ କଷଣ

ଫୁଟାଅ ହସ ତା ମୁଖେ ଇଚ୍ଛା ତାର କର ହେ ପୂରଣ ।