ନୂଆଖାଇ
ନୂଆଖାଇ
କୃଷି ପ୍ରଧାନ ଏ ରାଇଜ ଆମର
ବାର ମାସେ ତେର ଯାତ,
ନୂଆଖାଇ ଦିନ ନୂଆ ଚାଉଳରେ
ପୂଜା ଵିଧି ଅଟେ ସେତ l
ପଶ୍ଚିମ ଓଡିଶା ମୁଖ୍ୟତଃ ମାନନ୍ତି
ନୂଆଖାଇ ପର୍ବ ଟିକୁ,
ନୂଆ ଚାଉଳର କ୍ଷୀରି ପିଠା କରି
ପୂଜନ୍ତି ପୀଠ ଦେବୀଙ୍କୁ l
ସମ୍ବଲପୁରେ ସମଲେଇଙ୍କ ପାଖେ
ଲଗାନ୍ତି ପହିଲେ ଭୋଗ,
ମାଆଙ୍କୁ ଆଶିଷ ମାଗିଥାନ୍ତି ସର୍ବେ
ବରଷକେ ଏହି ଯୋଗ l
ଭାଦ୍ରବ ମାସ ଶୁକ୍ଳ ପଞ୍ଚମୀରେ
ପଡିଥାଏ ଏହି ପର୍ବ,
ଶୁଭ ମୁହୂର୍ତ୍ତକୁ ନିର୍ଦ୍ଧାରଣ କରି
ମାନିଥାନ୍ତି ତାଙ୍କୁ ସର୍ବ l
ଦୂର ବିଦେଶରୁ ପିଲାମାନେ ତାଙ୍କ
ଆସିଥାନ୍ତି ଏହିଦିନ,
କେତେ ଆନନ୍ଦରେ ଘର ପୂରୁଥାଏ
ଖାଆନ୍ତି ସାଙ୍ଗ ହୋଇଣ l
ବଡ଼କୁ ଜୁହାରକରିଥାନ୍ତି ପୁଣି
ଭେଟ କିଛି ତାଙ୍କୁ ଦେଇ,
ସାନଙ୍କୁ ଶରଧା କରିଥାନ୍ତି ସେତ
ଶୁଭେଚ୍ଛା ତାଙ୍କୁ ଜଣାଇ l
ଏହି ପରବଟି ଆମ ସମାଜର
ଭାଇଚାରାକୁ ବଢ଼ାଏ,
ଯୌଥ ପରିବାରେ କେତେ ସ୍ନେହ ଶ୍ରଦ୍ଧା
ସଭିଙ୍କୁ ଶିଖାଇ ଥାଏ ll