ଲେଖିବସେ କବିତା
ଲେଖିବସେ କବିତା
କିଛି ଆଶ୍ଵାସନାର ଶୀତଳ ଜ୍ୟୋତ୍ସ୍ନା
ଅବା ବେଦନାରେ ସିକ୍ତ କିଞ୍ଚିତ ତୃଷ୍ଣା
ଅହରହ କରିବସେ ବିବ୍ରତ
ସାଉଁଟିବାକୁ ହୃତ ମୁକୁତା
ସେବେ ମୁଁ ଲେଖିବସେ କବିତା.....
ଯାବତ୍ ଦିବସର କୋଳାହଳେ
ଅବା ନିଶାର୍ଦ୍ଧର ଦାବାନଳେ..
ବିନିଦ୍ର କି ବା ବ୍ୟାକୁଳିତ
ଅଚେତନେ ଭରିଦିଏ ସପନର ଛିଟା
ସେବେ ମୁଁ ରୂପ ଦିଏ କବିତା...
ସଂସ୍କୃତିର ଭରା ସପ୍ତରଙ୍ଗେ
ପାରମ୍ପରିକ ସୌହାର୍ଦ୍ଦ୍ୟ ତରଙ୍ଗେ
ଅବୋଧ୍ୟ ହୁଏ ମହାନତା
ଅଜାଣତେ ଭରିଦେଇ ଛିଟା
ସେବେ ମୁଁ ରଚିବସେ କବିତା......