ଶିଶୁ ସୁରଭି

ପିତା ମାତା ଆମ ଜୀବନ୍ତ ଦେବତା

କହିଛନ୍ତି ମହାଜନ

ସବୁବେଳେ ତାଙ୍କ ସେବା କରୁଥିବା

ଜିଣୁଥିବା ତାଙ୍କ ମନ..!

ମିଛ କଥା ପରା ମହାକାଳ ଫଳ

ତୁଣ୍ଡରେ କେବେ ନ ଧରି

ଜୀବ ଥିବା ଯାଏଁ ସତ କହୁଥିବା

ସତ୍ୟରେ ଜୟ ସବୁରୀ...!

ହାରିବାନି କେବେ ବିପଦ ବେଳରେ

କରିବାରେ ମୁକାବିଲା

ଈଶ୍ୱର ବିଶ୍ୱାସେ ହାସଲ କରିବା

ଜୀବନ ଜୀଇଁବା କଳା..!

ମନରେ ନରଖି କା ପ୍ରତି ଅସୂୟା

ପରହିତେ ଦେବା ପ୍ରାଣ

ସବୁ ସୁଗୁଣକୁ ଅମୃତ ପରାଏ

କରୁଥିବା ବିତରଣ..!

ଅସ୍ଥିର ନ ହୋଇ ଧୈର୍ଯ୍ୟ ସହକାରେ

କରିବା କାର୍ଯ୍ୟ ସକଳ 

ଦୃଢ଼ ମନୋବଳେ ଆଗେଇ ଚାଲିବା 

ଖଟାଇ ବୁଦ୍ଧି ଓ ବଳ..!