ଅନ୍ତର ଅଳିଆ

ସ୍ନାନ ଶୌଚେ ତଵ ଦର୍ଶନ କରିଲେ

     କି ଲାଭ ଅଛି କାଳିଆ

ସ୍ନାନ ଶୌଚ ଦେହୁ ମଳି ଧୋଇଥାଏ

      ଅନ୍ତରେ ଥାଏ ଅଳିଆ

କୁହ, କି ଲାଭ ଅଛି କାଳିଆ ।

ଅନ୍ତର ଅଳିଆ ତୁମ ସ୍ପର୍ଶେ ଯାଏ

     ଚରଣେ ଥିଲେ ଟି ମନ

ସତ୍ୟ ଧର୍ମ ନ୍ୟାୟ ମାପକାଠି କରି

     ଆଚରିଲେ ଦୟା କ୍ଷମ

ସବୁରି ଅନ୍ତରେ ତୁମେ ପରମାତ୍ମା

ଅନୁଭବ ହୁଏ ଯେବେ ତୁମ ସତ୍ତା

     ସର୍ବେ ଈଶ୍ୱର ଭଳିଆ ।

ହିଂସା ବାଦ ତର୍କୁ ରହିବ ଦୁରେଇ

     ସତସଙ୍ଗେ ଥିବ ମନ

ଦୁଃଖର ଦୁଃଖିରେ ଦୁଃଖୀ ହେଉଥିବ

     ଅସହାୟେ ଦେବ ଦାନ

କପଟ ତେଜିବ ଚରଣ ଧ୍ୟାୟିବ

ଭକତି ଅମୃତେ ନିତି ଭିଜୁ ଥିବ.

     ଅନ୍ତରୁ ନାଶେ ଅଳିଆ ।