ମୋ ଦେଶ ବିକାଶ
ମୋ ଦେଶ ବିକାଶ
ମୋ ଦେଶ ବିକାଶ ଚଢୁଛି ଶିଖର
ଉଡୁଛି ଉଚ୍ଚ ଆକାଶେ
ଆଖିରେ ତା ସ୍ୱପ୍ନ ସବୁଜ ସୁନ୍ଦର
ଝଲସେ ଉଜ୍ଜ୍ୱଳ ଦିଶେ ।
ସ୍ୱସ୍ତିକ ସ୍ୱଚ୍ଛନ୍ଦ ଜୀବନ ପ୍ରବାହ
ପ୍ରଗତିର ନନ୍ଦିଘୋଷ
ଚଳେ ବଡ଼ଦାଣ୍ଡେ ମାନସେ ସୁପଥେ
ନିରନ୍ତର ନିର୍ନିମେଷ ।
ଉଦ୍ଘୋଷେ ମୋ ଜାତି ସତ୍ୟ ଶାନ୍ତି ମୈତ୍ରୀ
ଅହିଂସା ଜୀବନ ମନ୍ତ୍ର
ଧର୍ମ ଅର୍ଥ କାମ ମୁକ୍ତି ଚଉବର୍ଗ
ସିଦ୍ଧି ପ୍ରାପ୍ତି ଆମ ଲକ୍ଷ୍ୟ ।
ଦୃଢ଼ ସ୍ଥିତପ୍ରଜ୍ଞ ଆମ ସୁସଙ୍କଳ୍ପ
କୁଶଳତା ତତ୍ପରତା
ଅଦ୍ୱିତୀୟ ଆମ କର୍ମ ସୁକର୍ତ୍ତବ୍ୟ
ଶ୍ରଦ୍ଧା ନିଷ୍ଠା ପରାକାଷ୍ଠା ।
ସୁସ°ହତ ଶୁଭ ନାଦ ପଞ୍ଚଜନ୍ୟ
ଶକ୍ତି କରୁ ଅଭ୍ୟୁଦୟ
ଜାଗୁ ପ୍ରତି ପ୍ରାଣ ପ୍ରବୃଦ୍ଧ ଭାରତ
ଜାଗିଉଠୁ ସୁପ୍ତ ସିଂହ ।
-----