ଅପୂର୍ବ ସ୍ଵାକ୍ଷର

ଯୁଗେ ଯୁଗେ ପ୍ରେମ ଅମର ଅଜର

 ଅନ୍ତଃସଲିଳା ନିର୍ଝର

ତ୍ୟାଗ ତିତିକ୍ଷାର ଅପୂର୍ବ ସ୍ଵାକ୍ଷର

 ଇତିହାସ ଗର୍ଭେ ଭାସ୍ଵର ।

ପ୍ରେମ ହିଁ ଶାସ୍ୱତ ଚିର ପ୍ରସ୍ଫୁଟିତ

    ମନ ମଗଜର ବିନ୍ଦୁ

ପ୍ରେମ ହିଁ ସ୍ୱର୍ଗୀୟ ଆତ୍ମାର ବଳୟ

    ଆଶା ଆକାଶର ଇନ୍ଦୁ ।

ଯୌବନ ଝୁଲଣା ଲାଗେ ବୀଣାଜିଣା

  ପ୍ରେମ ସମୀରଣ ଧାରେ

ଭାବନା ସାମ୍ରାଜ୍ୟେ ଛତ୍ରପତି ରାଜେ

   ଉଡ଼ିବୁଲେ ଖୁସି ସୁରେ ।

ମୁଦ୍ରିତ ନୟନେ ସଂଳାପେ ରଙ୍ଗୀନେ

 '  ବାସ୍ନାୟିତ ସୀମାରେଖା

ମହମହ ବାସେ ପ୍ରେମିକାର ପାସେ

  କଳ୍ପନା ତରଙ୍ଗେ ମଖା ।

ଦିନର ବନ୍ଧନ ପ୍ରେମର ଇନ୍ଧନ

 .  ନବାଙ୍କୁର ଜାଗରଣ

ସର୍ବବ୍ୟାପି ସେହି ସର୍ବଗ୍ରାସୀ ମହି

 .. ପ୍ରେମ ପାରିଜାତ ବଣ ।

ପଶ୍ଚିମ ସଭ୍ୟତା ଆଣେ କୃତିମତା

   ଦେହ ଦେଉଳରେ ବ୍ୟସ୍ତ

ବାହ୍ୟ ଆକର୍ଷଣ କାମନା ତର୍ପଣ

   କାମିନୀ କାଞ୍ଚନ ନ୍ୟସ୍ତ ।

ମାନବ ସନ୍ତାନ ଉଠ ଅର୍ବାଚୀନ

  ଗରିମାମୟ ବଂଶଜ

ସ୍ନେହ ବିତରିବା ପ୍ରେମ ପୃଥିବୀରେ

  ଏକତା ଡ଼େଣାରେ ଆତ୍ମଜ ।

ଚୁମ୍ବନ ପରିଧି ଓଷ୍ଠ ସୁଧାନିଧି

  ପାଗଳ ବାତୁଳ ଯୁବା

ଭାରତୀ ଭାବନା ବିଭୁ ସୁମରଣା

   ଜାତୀୟତା ମନ୍ତ୍ରେ ଶୋଭା ।

ମାତୃପିତୃ ଭକ୍ତି ଅନ୍ତରେ କଟୁକ୍ତି

   ଦୟା ଦାନ କ୍ଷମା ପ୍ରେମ

ଅଳପ ଦିନିଆ ନାଗଫାସ ଧୂଆଁ

   ନର୍କଭୋଗେ ନରାଧମ ।

ମଣିଷ ଜନମ ଦୁର୍ଲଭ କରମ

  ପ୍ରେମ ପରିବାର ଖୁଣ୍ଟ

କଳଙ୍କ କାଳିମା ନବୋଳ ନିକମ୍ମା 

 ମହାପାପି ତାପି ଖଣ୍ଟ ।