ଋତୁରାଜ ବସନ୍ତ

ହୃଦୟ ନାଚିଲା ଆଗଭର ହେଲା

ସଜାଇ ଦେଲା ନିଜେ ନିଜକୁ

ଆସିବାର ଅଛି ଫଗୁଣ ମାସଲୋ

ନେଇ ଋତୁରାଜ ବସନ୍ତକୁ...

କୋଇଲି ଗାଇବ, ବଉଳ ବାସିବ

ସ୍ୱାଗତରେ ଫୁଟିବ ଟଗର

ଫୁଲର ମହକେ ଗାଉଥିବ ସଦା

 ଫୁଲକୁ ଫୁଲ ଯାଇ ଭଅଁର......

ପଳାସ, ଶିମିଳି ଅପେକ୍ଷାରେ ଆଜି

କେବେ ଆସିବ ଆମ ରାଜନ

ଛୁଇଁ ଦେବ ଯେବେ ହୃଦୟକୁ ଆମ

ସୌନ୍ଦର୍ଯ୍ୟରେ ପୂରିବ କାନନ.......

ନାଲି ରଙ୍ଗ ପ୍ରେମୀ ଆମ ଏ ବସନ୍ତ

ସବୁଜରେ କରେ ପୁଣି ଘର

ବାସରେ ଚହଟେ ଧରାପୃଷ୍ଠ ମୋର

ଖେଳି ଉଠେ ଏଠି ପ୍ରତି ଦିଗମ୍ବର......

ହୋଲିରେ ରଙ୍ଗୀତ, ପୂଜାରେ ପୂଜିତ

ପ୍ରତିଟି ସମୟ ଆକର୍ଷିତ

ବସନ୍ତ ଏଇ ଋତୁରାଜ ଆମରି

ଆଜି ସଭିଙ୍କ ମନ ମୋହିତ.....