Library
Profile
ନାଲି ଟୁକୁ ଟୁକୁ
ନାଲି ଟୁକୁ ଟୁକୁ
ନାଲି ରଙ୍ଗ ଟୁକୁ ଟୁକୁ ଲୋ
ନାଲି ହଉଛି ବାରି
ନାଲି ରକ୍ତ ପୁଣି ସିନ୍ଦୁର
ତାକୁ ଶହେ ଗୁହାରି ll
ନାଲି ରଙ୍ଗେ ଖେଳୁଛନ୍ତି ଗୋ
କେତେ ହୋଲି ପରବ
ରକ୍ତ ଦେଇ ହେଲୁ ସ୍ୱାଧୀନ
କରି ନିଜେ ଗରବ ll
ଅନେଶତ ସତଚାଳିଶ
ଦେଶ ହେଲା ସ୍ୱାଧୀନ
କେତେ ଯେ ମହାନ ପୁରୁଷ
ଦେଇ ଗଲେ ଜୀବନ ll
ସେଇ ସମୟର କାହାଣୀ
ଆଜି ଶୁଣିବା ଆସ
ପ୍ରେମ କାହାଣୀଟି ସେଇଟି
ଆସ ପାଖରେ ବସ ll
ବୁଟା ସିଂ ନାମରେ ସୈନିକ
ଅବସର ମଣିଷ
ପ୍ରେମିକା ଅଟନ୍ତି ଜୈନାଵ
ପାକିସ୍ତାନ ସେ ଦେଶ ll
ଭାରତ ଆଉ ପାକିସ୍ତାନ
ହେଲା ଦୁଇଟି ଭାଗ
ତହିଁରେ ତାଙ୍କରି ପ୍ରେମଟି
ହୋଇ ସାଜିଲା ଯୋଗ୍ୟ ll
ବିଶ୍ୱଯୁଦ୍ଧ ଦୁଇ ନମ୍ବର
ତେବେ ସୈନିକ ଥିଲେ
ବର୍ମା ଠାରେ ତାଙ୍କ ଚାକିରୀ
ସେଠି ଆନନ
୍ଦେ ଥିଲେ ll
ବ୍ରିଟିଶ ସୈନିକ ସିଏଗୋ
ଜୈନାଵ ପାକିସ୍ତାନୀ
ଦୁଇ ଝିଅ ଜାତ କରିଣ
ହେଲେ ସିଏ ଜନନୀ ll
ଖବର ପାଇଣ ବିଦେଶୀ
ବୁଟା ଘରକୁ ଗଲେ
ଜୈନାଵ କୁ ନେଇ ସେଇଠୁ
ଶୀଘ୍ର ପ୍ରସ୍ଥାନ ହେଲେ ll
ପ୍ରେମରେ ବିଚ୍ଛେଦ ହୋଇକି
ବୁଟା ଭାଙ୍ଗି ପଡିଲେ
ପ୍ରେମକୁ ଜିତିବା ପାଇଁକି
ଧର୍ମ ବଦଳାଇଲେ ll
ଶିଖ ଠାରୁ ମୁସଲମାନ
ଜାମିଲ ଅହମଦ
ନାମ ରଖି ଭିଜା କରିଲେ
ଯାଇ ରଖିଲେ ପାଦ ll
ହତଭାଗ୍ୟ ତାଙ୍କ ଜୀବନୀ
ପ୍ରେମ ହାରିଲେ ଯାଇ
ପ୍ରେମିକା ହୋଇଲା ଅନ୍ୟର
ସେଠି ବିବାହ ହୋଇ ll
ସହି ନ ପାରି ବୁଟା ସିଂହ
କରିଲେ ଆତ୍ମହତ୍ୟା
ପ୍ରେମର ସମ୍ପର୍କ ଅଟେ କି
ପୁରି ବ୍ରହ୍ମଣ୍ଡେ ମିଥ୍ୟା ll
