ଲାଇବ୍ରେରୀ
ପ୍ରୋଫାଇଲ୍
ଆତ୍ମାର ମିଳନ
ଆତ୍ମାର ମିଳନ
1 min
404
ଅବନୀ ମଧ୍ୟରେ ଅଚଳ ଘେରରେ
ନୃତ୍ୟ କରେ ଯେବେ ନୀର
ପାଦପ ଚୁମ୍ବନ ମୀନଙ୍କ କୀର୍ତ୍ତନ
ଆକର୍ଷିତ ହୁଏ ନର ll
ଢେଉର ଉତ୍ପନ୍ନ ହିଡରେ ସେ ଲୀନ
ଶିଳା ସାଥେ ପ୍ରେମ ଭାବ
ଏତିକି ସୁନ୍ଦର ପ୍ରକୃତିଟି ମୋର
ଗଢିଲେ ସତେ ଦଇବ ll
ଆତ୍ମାର ମିଳନ ପ୍ରକୃତି ପ୍ରେମରେ
ଭାବବିହ୍ଵଳିତ ହୋଇ
ଲୀନ ହୋଇଯାଏ ସେଇ ଧରା ଧାମେ
ସବୁକିଛି ଭୁଲିଯାଇ ll
ବଞ୍ଚିଥାଇ ଯେବେ ଶାନ୍ତ ପରିବେଶେ
ପଞ୍ଚ ମହାଭୂତ ସାଥେ
ସମୟ କାଟିବ ଆନନ୍ଦରେ ତହିଁ
ଆଃ କି ମନୋହର ସତେ ll
ସବୁଜ ଆକାଶ ମୁରୁକି ହସିବ
ଦେଖି ନୀଳ ରଙ୍ଗ ନୀର
ଦୁହିଁଙ୍କ ପ୍ରେମରେ ଆନନ୍ଦରେ ତହିଁ
ଅଗ୍ନି ଢାଳଇ ମିହିର ll
ସମୀର ବଜାଏ ଶଙ୍ଖ ନାଦ ପୁଣି
ଲହରୀ ବଜାଏ ବାଜା
ମାଛରଙ୍କା ପକ୍ଷୀ ନାଚଇ ଆକାଶେ
ଭାବି ସେ ନିଜକୁ ରାଜା ll
