ଆଖି
ଆଖି
ଦେଖି ଚକା ଆଖି ମନ ଯାଏ ଲାଖି
ଛୁଇଁ ଚନ୍ଦନ ଅର୍ଗଳି
ଟେକି ଦେଲି ହାତ ମୁଖେ ଜଗନ୍ନାଥ
ହରିବୋଲ ହୁଳହୁଳି ।
ରଖ ବା ନରଖ ହେ ପ୍ରଭୁ ଶ୍ରୀମୁଖ
ଅପଲକେ ଅଛୁ ଚାହିଁ
ପତିତପାବନ ନେତ ଥରେ ଦେଖ
ତ୍ରିଭୂବନେ ଅଛି କାହିଁ ?
ମୋ ପ୍ରାଣ ଜୀବନ ବାୟୁ ପ୍ରତିସମ
ସପନେ ଦେଖେ ମୁଁ ନିତି
କଳ୍ପ ତରୁ ମୂଳେ ଖେଳେ ସେ ପ୍ରତିମ
ଖ୍ୟାତି ତବ ପ୍ରେମ ପ୍ରିତି ।
ମନ ମୋ ଅଶାନ୍ତି ରଜନୀ ପାହାନ୍ତି
ନିଅ ବାରେ ତବ ପଥେ
ଯାଚି ଅନ୍ନ ଦ୍ୟନ୍ତି ହେ ବନ୍ଧୁ ମହାନ୍ତି
ଡାକି ନିଅ ଥରେ ସାଥେ ।
ଚକା ଆଖି ବୋଲି ବିରାଜିତ ଯିଏ
ସିଏ ତ ଦୁଇଟି ଶୂନ
ଚନ୍ଦ୍ର ସୂର୍ଯ୍ୟ ପରି ଆତ ଯାତ ହୁଏ
ମୋ ପାଇଁ କିଆଁ ମଉନ ?