✍ମୋହ✍

ସପନ ଶିଖାର      ଲେଲିହାନ କାନ୍ତି

     ମନ ପତଙ୍ଗ ଦେଖିଣ

ମାୟା ମିରିଗକୁ     ସ୍ବର୍ଣ୍ଣ ମୃଗଭାବି

      ଧାବମାନ ରଘୁରାଣ||

ପ୍ରହେଳିକା  ଦେଖି   ନିଜେ ଭୋଳ ଯା'ନ୍ତି

     ମାୟାରେ ହୁଅନ୍ତି ବାୟା

ନର ବୁଝେନାହିଁ       ସଂସାରର ମାୟା

      ମିଛ ମାୟା କରେ ବାୟା||

ଲଭଇ କଷଣ       ହୁଏ ହଇରାଣ

     ଦେଖି ମାୟା ମୃଗ ଛାୟା

ତାହା ପଛେ ପଛେ  ଧାଇଁ ବୁଝେ ଶେଷେ

     ମରିଚିକା ମୋହ ମାୟା ||

ଆସିଛି ଲଙ୍ଗଳା     ଫେରିବ  ଲଙ୍ଗଳା

     ଫେରିଯିବ ସିଏ ଏକା

ଯିବେନି ସାଥିରେ    ପ୍ରିୟ ପରିଜନ

      ସାକ୍ଷୀ ଜୂଇ ଶିଖା ଏକା||

ମାୟାର ସଂସାର    କେହି ନୁହେଁ କା'ର

      ଭାବେ ଖାଲି ନିଜପର

ମଶାଣି ଜୂଇରେ     ଜଣା ପଡିଯାଏ

     କର୍ମ ଅଟେ  ଏକା ସାର ||