ଉଠରେ ଉଠରେ

ଗଛଡାଳେ ବସି ସୁଷୁରୀ ବଜାଇ

  କହଇ କପୋତ ମାତା

ତଳ ଡାଳେ ବସି କାହିଁକି ବାହୁନ

  ଶୁଣ ହେ କପୋତ ପିତା ।

ଦୟାକଲେ ବିହି କାଳରାତ୍ରି ପାହି

   ସୂରୁଜ ନୂଆ ଉଦୟ

ତୋଳାହେବ ଦିବ୍ୟ ଭବ୍ୟ ମନ୍ଦିର

  ଦିନବାର ଆଜି ଥୟ ।

ରଘୁକୂଳମଣି ପ୍ରଭୁ ରାମଚନ୍ଦ୍ର

  ଦେବୀ ସୀତା ଓ ଲକ୍ଷ୍ମଣ

ଆବର ପ୍ରତିଷ୍ଠା ହୋଇବେ ପ୍ରତ୍ୟକ୍ଷେ

  ମହାବୀର ହନୁମାନ ।

ସତ୍ୟ ଶାନ୍ତି ଦୟା ସୁସମ୍ବନ୍ଧ ରକ୍ଷା

   ମାନବୀୟ ସଦଗୁଣ

ମର୍ଯ୍ୟାଦା ପୁରୁଷ ରାଜୀବ ଲୋଚନ

  ଉତ୍ତମ ଶ୍ରେଷ୍ଠ ପ୍ରମାଣ ।

ଶିକ୍ଷା ର ନୂତନ ଉଜ୍ଜ୍ବଳ ଆଲୋକେ

  ଅନ୍ଧକାର ହେବ କ୍ଷୟ

ବିନାଶ ହୋଇବ ଅସତ୍ୟ ଅନ୍ୟାୟ

  ଧର୍ମର ହେବ ଜୟ ।

ରହିବନି ଆଉ ଅଭାବ କଷଣ

  ସ୍ୱ।ବଲମ୍ବୀ ହେବେ ଜନ

ବିକାଶ ହୋଇବ କର୍ମ କୁଶଳତା

  ରାମରାଜ୍ୟ ସତ ସ୍ୱପ୍ନ ।

ଘର ପରିବାର ବୈକୁଣ୍ଠ ସମାନ

   ପୁରୁଷୁ ପୁରୁଷୋତ୍ତମ

ନଗରୀ ଅଯୋଧ୍ୟା ମଣିଷ ହୃଦୟ

  ବିକଶୁ ସୈ।ମ୍ୟ ସୁଷମ ।

ସେରକ ପୂରିଲା ମାଣକ ପୂରିଲା

  ଉଠରେ ଉଠରେ ପୂତା

ରଖ କୂଳପାଳ ଶୀଳ ସୁସଂସ୍କାର

  ହସୁ ଆମ ଦେଶ ମାତା ।

    ------++-----