ଭଦ୍ରକାଳୀ
ଭଦ୍ରକାଳୀ
ବନ୍ଦୁଛି ମା ଭଦ୍ର କାଳୀ
ନାରିକେଳ ଜଳ ଢାଳି ।
ଆହା କି ସୁନ୍ଦର ପୁଳି,
ଭୋଗ ଅଟେ ତୋର ଥାଳି ।
କର୍ପୂର ଆଳତି ଭଳି,
ଅଞ୍ଜଳିରେ ଚମ୍ପା କଳି ।
ଫୁଲ ହାର ଦି'ନ୍ତି ମାଳି,
ମାଆ ତୁମେ ରଖ ଏ ପାଳି ।
ଦୁଃଖ କଷ୍ଟ ଯାଉ ଟଳି,
ହିଂସା କ୍ରୋଧ ଦିଅ ଜାଳି ।
ହସର ଝରୁ ଶେଫାଳି,
ବନ୍ଦୁଅଛି ମାଟି ଦିପାଳି ।
ତୁରଙ୍ଗ ଯେ କାଳି ଧଳି,
ଶୋଭୁ ରାତ୍ର ଦୀପାବଳି ।
ସମବେତ ହୁଳ ହୁଳି,
ବାଜି ଉଠୁ କରତାଳି ।
କାଉଁରିଆ କାଠି ଜାଳି,
ବଡବଡୁଆ ଯେ ଚଳି ।
ହୃଦୟ ପୁରୁ ଉଛୁଳି,
ଆନନ୍ଦରେ କୋଳାକୋଳି ।
ଦିଅଁ ଦରସନ ପାଳି,
କରୁଅଛୁ ମନ ବଳି ।