"ନିହାଣ ମୁଗୁର"

ମୁଗୁର ପଚାରେ ନିହାଣ କୁ ଦିନେ

ମୋତେ ଟିକେ ଡର ନାହିଁ

ଯେତେ ମାଡ଼ ଦେଲେ କହିନୁ ଥରୁଟେ

ଆଉ କଷ୍ଟ ଦିଅ ନାହିଁ ।

ମୁରୁକି ହସରେ କହିଲା ନିହାଣ

ତୋ ମାଡ଼ କୁ ଭୟ ନାହିଁ

ଭୟତ ଏତିକି କାଳେ ଭାଙ୍ଗି ଯିବି

କାର୍ଯ୍ୟ ଶେଷ ହେବ ନାହିଁ ।

ମାଡ଼ ଦେଇ ଦେଇ କ୍ଷିଣ ହେଲୁ ତୁହି

ନିଜକୁ ପାରୁନୁ ଚାହିଁ

ମୁଁ ଦୁଃଖି ବୋଲି କେମିତି ଭାବୁଛୁ

ବୋଲୁଛୁ ସଂସାରେ ତୁହି ।

ସଭିଙ୍କ ଜୀବନେ ସୁଖ ଦୁଃଖ ଅଛି

ମନେ କଷ୍ଟ ଦିଅ ନାହିଁ

କଠିନ ଶିଳାରେ ତୋ, ମୋ ପାଇଁ

କାରୁକାର୍ଯ୍ୟ ଯାଏ ହୋଇ ।

ସାକ୍ଷୀ ଇତିହାସ, ମନ୍ଦିର, ଐତିହ୍ୟ

ଅତିତର କୀର୍ତ୍ତିରାଜି

ତୋ ଶକ୍ତ ପ୍ରହାରେ ନିର୍ଜୀବ ଜୀବିତ

ନୂତନ ସୃଷ୍ଟିର ପାଇଁ ।

ନିହାଣ ଖାଇଛି ମୁଗୁରର ମାଡ଼

ହିସାବ କେ ରଖି ନାହିଁ

ଏତିକି ହିସାବ ରଖିଛି ନିହାଣ

ଲୋଭ କାରୁକାର୍ଯ୍ୟ ପାଇଁ ।