ଦାରିଦ୍ର୍ୟ

ସବୁତ ତୁମରି ,ଦରିଦ୍ର କିପରି

ହେଲି ମୁଁ ତୁମ ରାଇଜେ

ଦାରିଦ୍ର୍ୟ ମୋ ସଦା ସଖା ସହୋଦର

ନିତ୍ୟ ମୋ ଗୃହେ ବିରାଜେ ।

ଦାରିଦ୍ର୍ୟତା ପାଇଁଁ ସୁଖଟି ମିଳଇ

ଅନୁଭବ ପାରେ ହୋଇ

ଏ ମର୍ତ୍ତ୍ୟ ମଣ୍ଡଳ ହୁଏ ଭୟଭୀତ

କଷଣ ଭୋଗିବା ପାଇଁ ।

ଅର୍ଥ,କୋଠା,ବାଡ଼ି ଥାଇ ସବୁକିଛି

ମନରେ ଅନେକ ବ୍ୟଥା

ମନର ମାନସ ଅଭିଳାଷ ଲାଗି

ରହେ କାଳ କାଳ କଥା ।

ସଖା ସୁଦାମାଙ୍କ ଦାରିଦ୍ର୍ୟତା ପାଇଁ

ସଖାଙ୍କ ମନରେ ବ୍ୟଥା

ସଖା ସିନା ବୁଝେ ସଖା ମନ କଥା

ଟେକ ରଖେ ସଖା ମଥା ।

ଦାରିଦ୍ର୍ୟତା ଭିନ୍ନ ଯଶ,ମାନ,ଜ୍ଞାନ

ଧନ, ଜନ ଅବା ମନ

ସଭିଏଁ ଦରିଦ୍ର ଏ ସଂସାର ପାଇଁ

ସଦା ରଖ ତାକୁ ଧ୍ୟାନ ।