ଦୁର୍ଘଟଣା
ଦୁର୍ଘଟଣା
ଘଟଣା ସ୍ରୋତରେ ଅନୁଗାମୀ ପଥେ
ଭାସି ଚାଲଇ ଜୀବନ
ଦିଗ ହରା ଯେବେ ଏ ମନ ତରୀଟି
ଘଟେ ଦୁର୍ଘଟଣା ମାନ ।
ଏମିତି ଜୀବନ ନାହିଁଟି ସଂସାରେ
ଭାଙ୍ଗି ନାହିଁ କାର ଧ୍ୟାନ
ବେଳ କି ଅବେଳ ନାହିଁ ତା ପାଖରେ
ଉପସ୍ଥିତ ହୁଏ କ୍ଷଣ ।
ନାହିଁ ଜଣା ତାକୁ ଧନୀ କି ଗରିବ
ବଇରାଗି ,ଯୋଗୀ ଜନ
ନାହିଁ ତା ପାଖରେ ଜାତି କି ଅଜାତି
ପଣ୍ଡିତ ଅବା ଅଜ୍ଞାନ ।
ବେଳ ଥାଉ ଧନ ବନ୍ଧ ଟି ବାନ୍ଧିଲେ
ହେବ ଦୁର୍ଘଟଣା ବଣା
ତଥାପି ଆସଇ ବିନା ନିମନ୍ତ୍ରଣେ
ଏ କଥା ସଭିଙ୍କୁ ଜଣା ।