ପ୍ରକୃତି
ପ୍ରକୃତି
1 min
166
ମୋ ଗାଁ ଫୁଟି ବାସେ ରେ,
ଏହି ଶୀତୁଆ ସକାଳ
କୁହୁଡି ଘେରାରେ
ମୁକୁତା ଝରଇ ଘାସ ରେ !
ସୋରିଷ ଫୁଲିଆ ଚାଦର
ଘୋଡେଇ ଘାଡେଇ ଯାଏସେ ଗାଧେଇ
କୋଳଥ କିଆରୀ ବାଟର,।
ବାଇଗଣ, କୋବି, ବିଲାତି
ତା'ସାଥି ଦେଖନ୍ତି ମୁରୁକି ହସନ୍ତି
ନଈ ଘାଟ ତୁଠେ ପୀରତି ।
ନିମ ଦାନ୍ତ କାଠି ଘସଇ
ମୁରୁକି ମୁରୁକି ହସଇ
ବ୍ରାହ୍ମଣୀ ନଈ ବି ଦେଖି ତା ଛଇ କୁ
କୋଳେଇ ନେବାକୁ ଆସଇ !
(ଏବେ )ଓଦା ଲୁଗା ଟାଣି କର କୁ,
କାଳେକେ ଦେଖିବ ତନୁପାତଳି କୁ
ଝଅଟି ଲେଉଟେ ଘରକୁ !
ହିଡ଼ କଡ଼ ଦେଇ,ତା'ଚାଲି,
ଲକ୍ଷ୍ମୀ ଠାକୁରାଣୀ ଯାଆନ୍ତିକି ବୁଲି
ମଗୁଶୁର ପୂଜା ପାଳିକୁ !
ନଇଁ ଆସେ ଯେବେ ଅନ୍ଧାର
କୁଢ଼ କୁଢ଼ ନିଆଁ ପଇଁବା କୁ ଥୁଆ
ସତେକି ନାଇଛି ମନ୍ଦାର !
ରାତି ହେଲେ ତାର ଛାତିରେ
କଳା କମ୍ବଳ ଟେ ପାତି ରେ
ଥକି ପଡିଛି କି ଧରିତ୍ରୀ କୋଳରେ
ଦିନସାରା କାମେ ମାତି ରେ !