Library
Profile
ନୀଳସ୍ୱପ୍ନ
ନୀଳସ୍ୱପ୍ନ
ଠୂଳ ଶୂନ୍ୟ ରୂପ ତେଜ ଚିଦାକାଶ
ଆଶାର କିରଣ ତୋଳି
ଆହର ଶରୀର ଦିବ୍ୟ ଅନୁପମ
ଧନ୍ୟ ହେଉ ମର୍ତ୍ତ୍ୟ ପୁରି ।
ସରଗ ସୁଷମା ଅମୃତ ଭାବନା
ଖେଳିଉଠୁ ପ୍ରତିପ୍ରାଣେ
ମଧୁମୟ ହେଉ ସ°ସାରେ ଜୀବନ
ପୁଲକୁ ମନ ଆନନ୍ଦେ ।
ବିକଶୁ ସୁମନ ରଙ୍ଗ ରୂପ ରସ
ସ୍ୱଚ୍ଛନ୍ଦୁ ଜୀବନ ଧାରା
ସବୁଜ ସୁନ୍ଦର ପ୍ରକୃତି ସମ୍ଭାରେ
ହସିଉଠୁ ଶୁଷ୍କ ଧରା ।
ବିକଶୁ କମଳ ଶାନ୍ତି ଶତଦଳ
ସରୋବରେ ନୀଳ କଇଁ
ହସି ଉଠୁ ଖେତେ ସୁନାର ଫସଲ
; ନୂଆ ଆଶା ଉଠୁ ଚେଇଁ ।
ମଳୟ ସମୀର ଚଇତାଳି ବାଆ
କୋଇଲିର କୁହୁ ସ୍ୱନ
ବିରାଜୁ ଜଗତେ ପ୍ରଶାନ୍ତି ସୈ।ହାର୍ଦ୍ଦ
ସୁଖ ସହ ଅବସ୍ଥାନ ।
ବାସୁ ମହମହ ଚନ୍ଦନ ସୁଗନ୍ଧ
ସୁଗୁଣ ସୁବ୍ୟବହାର
ପ୍ରଜ୍ଜ୍ୱଳୁ ଆଲୋକ ଶିକ୍ଷାର ବର୍ତ୍ତିକା
ଅନ୍ଧକାର ହେଉ ଦୂର ।
ଝରୁ ଶୁଭାଶିଷ ମଙ୍ଗଳ କଲ୍ୟାଣ
ସ୍ୱପ୍ନ ହେଉ ଚରିତାର୍ଥ
ଉନ୍ମେଷ ଜୀବନ ବରଦ ସୁଖଦ
ଶୂନ୍ୟରୂପ ବିଷ୍ଣୁପଦ ।
