ମତ୍ସକନ୍ଯା

ପ୍ରୀତି ଅଭିସାରେ ତୁମେ ଅନୁପମା

ସାଗରିକା ମତ୍ସକନ୍ଯା

ଆସ ଗୋ ଉଲ୍ଲଙ୍ଘି ସମୁଦ୍ରର ବକ୍ଷ

ଉତ୍ତାଳ ତରଙ୍ଗ ବନ୍ଯା ।

ସନ୍ତପ୍ତ ଜୀବନ ତପ୍ତ ମରୁବାଲି

ଶୁଷ୍କ କ୍ଷୀଣ ତରୁଲତା

ତୁମ ଆଗମନେ ଦଗ୍ଧୀଭୂତ ପ୍ରାଣେ

ଭରିଯାଉ ଶୀତଳତା ।

ସୁନ୍ଦର ସବୁଜ ହେଉ ପରିବେଶ 

ଗୁଞ୍ଜୁ କୁହୁ ମଧୁ ସ୍ବନ

ଉଛୁଳୁ ଯମୁନା ନଦୀ ସ୍ରୋତସ୍ବିନୀ

ପୁଲକି ଉଠୁ ପରାଣ ।

ସୁଶୀତଳ ତୁମ ମଧୁର ପରଶେ

ଖେଳୁ ଓଠେ ସ୍ମିତହସ

ସାର୍ଥକ ହେଉ ଗୋ ସ୍ବପ୍ନ ମଧୁମୟ

ପୂରୁ ଆଶା ଅଭିଳାଷ ।

ହୁଅ ପ୍ରସ୍ଫୁଟିତ ଶାନ୍ତି ଶତଦଳ

ପଦ୍ମିନୀ ଗୋ ସୂର୍ଯ୍ୟମୁଖୀ

ବିମଳ ପ୍ରଭାତେ କିରଣ ସ୍ବର୍ଣ୍ଣାଭ

ଉନ୍ମେଷ ଗୋ ପ୍ରିୟସଖୀ ।