ସୁନ୍ଦରୀ ଜହ୍ନ

ମୁହଁକୁ ତୁମ ଦେଖିଛି ତୁମ

ଦେହକୁ ଝୁରି ହେବ

ହସକୁ ତୁମ ଦେଖିଛି ଯିଏ

ନିଜକୁ ଭୁଲିଯିବ ।

ଗଭାରେ ତୁମ କଳା ବାଦଲ

ବାନ୍ଧିଛି ସତେ ବସା

ଆଖିରେ ତୁମ ଝୁମେ କି ଶହେ

ମଧୁଶାଳାର ନିଶା ।

ଅଧର ତୁମ ଦେଖିଛି ଯିଏ

ଗୋଲାପ ଭାବିନେବ

ମୁହଁକୁ ଯିଏ ଦେଖିଛି ତୁମ

ଦେହକୁ ଝୁରି ହେବ ।

ଦେହରେ ତୁମ ଗହଣା ନାହିଁ

ନାହିଁ ତ ଅଙ୍ଗରାଗ

ଏମିତି ତୁମେ ସୁନ୍ଦରୀ ଜହ୍ନ

ଯହିଁରେ ନାହିଁ ଦାଗ ।

ପରଶ ତୁମ ପାଇବ ଯିଏ

ଜୀବନ ଧନ୍ୟ ହେବ

ମୁହଁକୁ ଯିଏ ଦେଖିଛି ତୁମ

ଦେହକୁ ଝୁରି ହେବ ।