ଭରସା ନାହିଁ

କୋରାପୁଟିଆ ବରଷାକୁ ରେ

ଭରସା ନାହିଁ ନାହିଁ

ସେମିତି ତୋର ପ୍ରେମରେ ପଡ଼ି

ମରିବି ନିତି କାହିଁ ।

ଅଙ୍ଗାର ପାଇଁ ଜାଳେ କେ ବନ

ଜାଳିବୁ ମୋତେ ତୁହି

ଶୀତ ଛାଡ଼ିଲେ ଫେରି ଯିବୁ ତୁ

ସୁଙ୍କିରେ ମୋତେ ଥୋଇ ।

କୋଉ କୁଳର ନ ହୋଇ ଶେଷେ

କାନ୍ଦିବି କଇଁକଇଁ

କୋରାପୁଟିଆ ବରଷାକୁ ରେ

ଭରସା ନାହିଁ ନାହିଁ ।

କୋରାପୁଟରେ ଝଡି ହେଲେ ବି

ହୁଏନା କେବେ ବନ୍ୟା

ତୋ ଜାଲରେ ପଡ଼ିବି ନାହିଁ

ମୁଁ' ଜଙ୍ଗଲୀ କନ୍ୟା ।

ସହରୀ ବାବୁ କାହାଣୀ କେତେ

ଶୁଣିଛି ପରା ମୁହିଁ

କୋରାପୁଟିଆ ବରଷାକୁ ରେ

ଭରସା ନାହିଁ ନାହିଁ ।