କାଶତଣ୍ଡୀ

ଏଇତ ମହ ମହ ଅଶିଣ,

ଥିରି ଥିରି ପବନରେ ମତୁଆଲା ପରାଣ,

ଫର ଫର କାଶତଣ୍ଡୀ,

ଚମକାଏ ଦ୍ବିଗୁଣ,

ଚୁଲବୁଲି ଚଅଁର ଯେ ମନେ ସାଜେ ତୋରଣ !

ଝଲକାଏ ଦୁଲ ଦୁଲ ଦୁଲୁକାଏ ପାର୍ବଣ, 

ଚୁନା ଚୁନା ତାରାଫୁଲ,ବୁଣେ ଯହିଁ ଶିଶିର,

ଶିର ଶିର ଚୋରାବାଲି,

ମହକାଏ ସ୍ଫୁରଣ,

ଝୁମା ଝୁମା ଶିହରଣେ ଶିହରାଏ ଏ କମ୍ପନ !

ଏଇତ ପାର୍ବଣ ମହକ,

ତୋଫା ତୋଫା ଏଇ ଆକାଶରେ

ମଖମଲି ପୂଲକ,

ଫିକା ଫିକା ଜୋଛନାରେ କାଚକେନ୍ଦୁ ମନ,

ଫେନିଳ ଏ ଜ୍ୟୋସ୍ନାରାତି

ଜହ୍ନି ଫୁଲର ଏ ଜହ୍ନ,

ଭାବନାର ଫୁଆରାରେ ଯେ ଅସରନ୍ତି ସ୍ବପ୍ନ !

ଏଇତ ଜୀବନ ଚମକ,

ଭିଜା ଭିଜା ଏଇ ତନୁ ମନେ

ଗାଏ ମିଳନ ସଂଗୀତ,

ଘୁମ ଘୁମ ଏ ମାଦଳ ଯେ ଜୀବନେ ଆନନ୍ଦ,

ଶିରୀ ଶିରୀ ଶୋଭା ବନେ 

ସ୍ମୃତି ସମ୍ଭାରର ଚିହ୍ନ,

ଭେରୀ ତୁରୀ ନଦ ନାଦେ ସ୍ବପ୍ନ ଭିଜା ମଗ୍ନ !

ବିରାଙ୍ଗନାର ଏ ଗର୍ବ,

ଝୁମା ଝୁମା ଏଇ ସମ୍ଭାଷଣେ,

ଶାରଦୀୟ ଏ ପର୍ବ,

ବନ୍ଦନୀୟ, ଶୋଭନୀୟ ଗୌରବର ଦର୍ପ,

ପୂଜନୀୟା, ମହନୀୟା ଏ ବସୁନ୍ଧରା

ଅପୂର୍ବ, ଅତୁଲ୍ୟ ମୁଲକ,

ସଜ ସଜ ଏଇ ଅବତାରେ ଧରାବତରଣ !