ପ୍ରିୟା ଆଉ ତୁମେ

ତୁମେ ସୁନ୍ଦରରେ ହୋଇପାର..

        ମୋ ପ୍ରିୟାଠୁ ବେଶୀ

ହେଲେ- ପ୍ରିୟା ଭଳି ସବୁ ଦେଇ

      ମୋ ପାଖରେ ନିତି ରହି

କରି ପାରିବ କି ମୋତେ..

    ‌‌   ଷୋଳ ଅଣା ଖୁସି (୦)

ମନ-ସରୀସୃପ ଯଦି ଟେକିବ ମୋ ଫଣା

ଶାନ୍ତ କରିବା ମନ୍ତର ତୁମକୁ କି ଜଣା;

ମୋ ପ୍ରିୟା ତ ବଡ଼ ଗୁଣୀ କରିଦିଏ ବଶ

କେତେ କଉଶଳେ ପରା ଝଡ଼ାଏ ମୋ ବିଷ;

ତୁମେ ପାଠଶାଠେ ହୋଇପାର..ମୋ ପ୍ରିୟାଠୁ ବେଶୀ

ହେଲେ- ପ୍ରିୟା ଭଳି ପ୍ରୀତି ଦେଇ

      ମୋ ଦେହର ଛାଇ ହୋଇ

ବାନ୍ଧି ପାରିବ କି ମୋତେ..

          ହହତୁମ ଭାବ-ରସି..

ତୁମେ ସୁନ୍ଦରରେ ହୋଇପାର..

       ମୋ ପ୍ରିୟାଠୁ ବେଶୀ (୧)

ଭୁଲ୍ ତୁମେ ବୁଝିବନି କରିବନି ଦୁଃଖ

ନିଜ ବାଟେ ଖୋଜ ନିଜେ ପାଇଯିବ ସୁଖ;

ରାଧା ମୋର ହୁଅ ନାହିଁ ହୁଅ ନାହିଁ ଗୋପୀ

ପଦୁଅଁ ପତ୍ରେ ଜଳ ମୁଁ ଯେ ନିରୋଳା ନିହାତି;

ତୁମେ ଚାଲାକିରେ ହୋଇପାର..ମୋ ପ୍ରିୟାଠୁ ବେଶୀ

ହେଲେ- ମୋ ପ୍ରିୟା ମୋ ରସଗୋଲା

      ସ୍ନେହ ଶ୍ରଦ୍ଧା ରସ ଝରା

ସେ ହେଲେ ଘର ତୋରାଣି..

            ତୁମେ ଦହି ଲସି..

ତୁମେ ସୁନ୍ଦରରେ ହୋଇପାର..

       ମୋ ପ୍ରିୟାଠୁ ବେଶୀ (୨)