ନୀଳ ଲଫାପାରେ ଚିଠି
ନୀଳ ଲଫାପାରେ ଚିଠି
ଶୁଣିଛି ମୁଁ ତୁମ ହୃଦୟର ସ୍ୱର
ନୀଳ ଲଫାପାକୁ ଖୋଲି
ଦେଖିଛି ତହିଁରେ ଗୋଲାପି ଚିଠି ମୁଁ
ସ୍ୟାହି ରଙ୍ଗ ଥାଏ ନାଲି I
ସେ ଚିଠିରେ ସଖା ଦେଖିଛି ତୁମର
ଛନ୍ଦହୀନ ଦୁଇ ଆଖି
ତୁମ ହୃଦୟରେ ପ୍ରେମର ସଳିତା
ଜଳୁଥିଲା ଦିକିଦିକି I
ଅଲେଖା ଅକ୍ଷରେ ଲେଖିଥିଲ ଯାହା
ପଢିଛି ମୁଁ ବେଶି ବେଶି
ମନକଥା ତୁମ ପଢିଦେଲା ପରେ
ଦେଇଥିଲି ଟିକେ ହସି I
ଚିଠି ପାଇ ଚିଠି ଲେଖିବା ପାଇଁକି
କହିଥିଲ ବାରବାର
ସତେ କଣ ତୁମେ ଦେଖିନ ମୋ ହୃଦ
ମଧୁରିମା ମଧୁଝର ?
ଗୋଟିଏ ମୂହୂର୍ତ୍ତ ବିତିନି ଏମିତି
ଭାବନାରେ ତମେ ନାହଁ
ଚିଠି ପାଇ ଚିଠି ଉତ୍ତର ପାଇଲେ
ମନ ମୋର ହେବ ଥୟ I