ଚନ୍ଦନ ଚର୍ଚ୍ଚିତ ନବକଳେବର

 ପ୍ରଭୁ କାଳିଆ ଠାକୁର

ତୁମ୍ଭ ଲୀଳା ଅଟଇ ଅପାର

ବାର ମାସେ ତେର ଯାତ ଲଗାଇଛ

ଭକତ ଜନଙ୍କ ମନକୁ ମୋହୁଛ

ତୁମ ଯାତ ସବୁ ଋତୁ ଚର୍ଯ୍ୟା ବହେ

ସେଥୁରୁ ଭକତ ବଂଚିବା ଶିଖେ

ବର୍ଷ ସାରା ଭକ୍ତ ଯାଏ ତୁମ ମନ୍ଦିର

ପାଇବାକୁ ତୁମ ଦରଶନ 

କେବେ କେବେ ତୁମେ ଆସ ବାହାର

ଦେବାକୁ ଦର୍ଶନ ଭକତ ଜନର

ଗ୍ରୀଷମ ଋତୁରେ ନିଦାଘ ଦାଉରୁ

ବଂଚିବାକୁ ଲୋଡ଼ା କେତେଯେ ଦରବ

ଲୋଡ଼ା ହୁଏ ପୋଖରୀ ଜଳେ ସ୍ନାନ

ବୈଶାଖ ମାସରେ ପ୍ରଭୁ ହୁଅନ୍ତି ଅସହ୍ୟ

ବିମାନରେ ଚଢି ଯାଆନ୍ତି ନରେନ୍ଦ୍ର ପୋଖରୀ

ଚାପ ଖେଳନ୍ତି କାଳିଆ ଭାଇ ଭଉଣୀ ସହ

ଭକତ କରି ଦର୍ଶନ ହୁଅନ୍ତି ଧନ୍ୟ

ଦର୍ଶନ ଲାଭ କରି ଭକତ ଅର୍ଜନ୍ତି ପୁଣ୍ୟ

ଭକତ ଙ୍କୁ ଦେଖି କାଳିଆ ହୁଅନ୍ତି ଉଲ୍ଲାସ

ଦ୍ୱାପରେ କାଳିଆ ଖେଳୁଥିଲେ ନଦୀକୂଳେ

କରିଥିଲେ କାଳୀୟ ଦଳନ ପୋଖରୀ ଜଳେ

କଳି ଯୁଗେ ପ୍ରଭୁ ଅଛନ୍ତି ନୃସିଂହ ରୂପରେ

ଅଯୋନି ଶମ୍ଭୁତ ହୋଇ ଜନମିଥିଲେ ପ୍ରଭୁ

ହିରଣ୍ୟ କାଶ୍ୟପୁ ନାସି ରଖିବାକୁ

ଭକତଙ୍କୁ ଏ ଧରା ପୃଷ୍ଟରେ

ନୃସିଂହ ରୂପରେ ତୁମେ ପାଉଅଛ ପୂଜା

ଚନ୍ଦନ ଯାତ୍ରା ନାମରେ ପରବ ରଖିଛ

ଥଣ୍ଡା ହୁଅ ପ୍ରଭୁ ତୁମେ ଭକତ କୁ ଦୟା ରଖ

ଚନ୍ଦନ ତୁଳସୀ ରେ ପ୍ରଭୁ ବିଭୂଷିତ ତୁମେ

ତୁମ ଆଶିଷ ପାଇଁ ଭକତ ସବୁବେଳେ ଧ୍ୟାୟେ

ଆଷାଢ଼ ମାସରେ ପୁଣି ଦେଖାଦିଅ ପ୍ରଭୁ

ବିଶ୍ୱର ସମସ୍ତ ଭକ୍ତ ତୁମଙ୍କୁ କରନ୍ତି ଦର୍ଶନ

ପ୍ରତିନିତ୍ୟ ଚନ୍ଦନରେ ବିଭୂଷିତ ପ୍ରଭୁ

ଅପୂର୍ବ ମୂରତି ଦେଖି ଭକ୍ତର ଯାଏ ସବୁ ଦୁଃଖ

ଲଭେ ଅପାର ଆନନ୍ଦ ଆଉ ନାଶେ ପାତକ

ଚନ୍ଦନ ଚର୍ଚ୍ଚିତ ନବକଳେବର ରୂପ ତୁମ

ମୋ ହୃଦ କନ୍ଦରେ ପ୍ରଭୂ ରୁହ ନିରନ୍ତର ।