ଘରେ ଘରେ ତ୍ରିରଙ୍ଗା

ତ୍ରିରଙ୍ଗା ଉଡ଼ୁଛି ପ୍ରତି ଘରେ ଆଜି

ଉଡ଼ୁଛି ସବୁ କାର୍ଯାଳୟେ

ଉଡ଼ୁଛି ଉଡ଼ିବ ତ୍ରିରଙ୍ଗା ଆମର

ଯୁଗଯୁଗ ଉଡୁଥିବ l

କେତେ ସୁର ବୀର ଦେଇ ବଳିଦାନ

କରିଲେ ଆମକୁ ସ୍ୱାଧୀନ 

କେତେ ସଂଗ୍ରାମୀଙ୍କ ସଂଗ୍ରାମ ବଳରେ

ଦେଶ ହୋଇଥିଲା ସ୍ୱାଧୀନ l

ତ୍ରିରଙ୍ଗା ଦେଖିଲେ ମନେ ପଡେ ସେହି 

ସଂଗ୍ରାମୀ ଜୀବନ ଗାଥା

ସେମାନେ ଆମର ସଦା ନମସ୍ୟ

ଆପେ ନଇଁଯାଏ ମଥା l

ତ୍ରିରଙ୍ଗା ତଳେ ଠିଆ ହୋଇଥିଲେ

ଆପେ ପଡ଼ିଯାଏ ମନେ

ଫିରିଙ୍ଗି ହାତରୁ କିପରି ଏ ଦିନ

ସେବେ ଦେଖିଥିଲୁ ଆମେ l

ସେ ସଂଗ୍ରାମୀ ରକ୍ତ ଏବେବି ବହୁଛି

ସବୁ ଭାରତୀୟ ଦେହେ

ଏବେ ବି ଚାଲିଛି ଶତ୍ରୁଙ୍କ ଚକ୍ରାନ୍ତ

ଦେଶକୁ ଜିତିବେ ହେଳେ l

ଜାଗ୍ରତ ପ୍ରହରୀ ଆମ ସୈନିକ

ଜଗିଛନ୍ତି ଦେଶ ସୀମା

କେତେ ଯେ ସନ୍ତ୍ରସୀ ଶତତ ଚେଷ୍ଟିତ 

ଦେଶକୁ ନେବେ ଅଧୀନ l

ସଂଗ୍ରାମୀର ରକ୍ତ ଦେଶରେ ବହୁଛି

ପ୍ରତି ଭାରତୀୟ ଦେହେ

ଆଜାଦୀର ଅମୃତ ମହୋତ୍ସବ ଏବେ

ପାଳୁଛନ୍ତି ଘରେ ଘରେ l

ପ୍ରତି ଘରେ ଏବେ ଉଡ଼ୁଛି ତ୍ରିରଙ୍ଗା

ଉଡେ ଫର ଫର ହୋଇ

ଜାଗ୍ରତ ସମସ୍ତେ ସ୍ୱାଧୀନ ଭାରତେ

ଜାତୀୟତା ଭାବ ନେଇ l

--------------------------------------

ରାଜୀବ ଲୋଚନ ପାଣିଗ୍ରାହୀ

ସମ୍ପାଦକ - ଶୁଭଶଙ୍ଖ, ଆସିକା