ନବୀନ

ଭଙ୍ଗା ଦଦରା ନାବ

ଭଙ୍ଗା କୁଡିଆ 

ଝଡ ପାଇଁ କେବଳ କଳେବର 

ନବକଳେବର ସମୟରେ 

ଆସିଛି ଶୁଭ ସୂଚନା 

ଗଢା ସବୁ ନୂଆ ଦୁନିଆଁ ।

ନବ ପଲ୍ଲବ ନବ କୁସୁମ 

କଅଁଳେଇଛି ବୃକ୍ଷ ଡାଳେ 

ଫଳ ହେବା ଆଶାରେ 

ପୁଣ୍ୟ ସବୁ ବାଣ୍ଟିଲେଣି 

ପାପ କ୍ଷୟ ଆଶାରେ 

ଗ୍ରାମେ ଗ୍ରାମେ ନଗ୍ରେ ନଗ୍ରେ 

ଶୁଭ ଶଙ୍ଖନାଦ ଫାଟିପଡୁଛି

ଉତ୍ସବମୁଖରିତ ସ୍ବର୍ଗସ୍ଥଳେ

ନିଶ୍ଚୟ କିଏ ଜଣେ ଆସିଛି ।

ସେ ମୋ ମନର ମିତ 

ଶୀତ ଅନ୍ତେ ବସନ୍ତ 

ବୀଣା ଅନ୍ତର କୋକିଳ

ଆଣିଛି ସୁମଧୁର ଗୁଞ୍ଜନ 

ନବ ପ୍ରଭାତ ନବ ଉଲ୍ଲାସେ ।

ଏ କଣ ନବଜନ୍ମ

ନବ ଶିଶୁ ମା କୋଳେ 

ହଠାତ କାନ୍ଦିଲା 

କ୍ଷୀର ବୁନ୍ଦାଏ ପିଇଲା

ନୂତନତ୍ବ ହାସ୍ୟ ପ୍ରକଟିଲା ।

ନିଶ୍ଚୟ ବୃଦ୍ଧ

ନବଜୀବନ ପାଇଲା

ହେଇ ଦେଖ ଅମୃତବିନ୍ଦୁ

ସାଗର ମନ୍ଥନ କଳସ 

ମୋହିନୀ କନ୍ୟା ହସ୍ତରେ ।