ମୁଁ ବଧୂ, ନୁହେଁ ବାରନାରୀ
ମୁଁ ବଧୂ, ନୁହେଁ ବାରନାରୀ
ମୁଁ ବଧୂ, ନୁହେଁ ତ ବାରନାରୀ
ଘରକୁ ନିଅ ପାଛୋଟି କରି
ପାପ କରିଛି ପ୍ରେମ ତ କରି
ଗର୍ଭେ ଅଛି ସନ୍ତାନ ତୁମରି ।
ଖରା ବରଷା ଶୀତ କୁ ଧରି
ତୁମ ଦୁଆରେ ପଡ଼ିଛି ଧରି
ତୁମ ପରିବାର ବେଶ୍ୟା କହି
ଛିଃ ଛା କରନ୍ତି ଝାଡୁରେ ମାରି ।
ଆମ ପ୍ରେମ ତ ପବିତ୍ର ଥିଲା
ହେଲି ମୁଁ କିପରି ବେଶ୍ୟା ଭଲା?
ପ୍ରେମ ଆମ କେତେ ଅନାବିଳ
ତୁମେ ଏ ସବୁ ଭୁଲିକି ଗଲ?
ଚୋରା ପିରତି ଖେଳ ଖେଳିଲ
ଗର୍ଭରେ ମୋର ଛୁଆ କୁ ଦେଲ
କୁହ ଟିକିଏ ବୁଝାଇ ଭଲା
ଭୁଲ୍ କେଉଁଠି ରହିଛି ପରା...।
ଲୁଚକାଳି ଖେଳ ତ ଖେଳୁଛ
ମୋ ପାଖକୁ କାହିଁକି ଆସୁନ?
ବିଶ୍ବାସ ତୁମେ ବିଷ ଭରିଲ
ପ୍ରେମ କୁ ତ କଳଙ୍କିତ କଲ ।
ମଥାରେ ତୁମେ ସିନ୍ଦୂର ଦେଲ
ତୁମ ପତ୍ନୀ ଅଧିକାର ଦେଲ
ତନେ ମନେ ଭଲ ତ ପାଇଲ
ଏବେ କାହିଁକି ଦୂରେଇ ଦେଲ?
ମୁଁ ପତିବ୍ରତା ଅଟଇ ନାରୀ
ତୁମ ଘର ବଧୂ ସର୍ବେ ଜାଣି
ତୁମ ଘର ର ସମ୍ମାନ ରଖ
ପାଛୋଟି ନିଅ ହୋଇ ସଜାଗ।।