ରଜ ମଉଜ
ରଜ ମଉଜ
ବରଷକ ଥରେ ଆସିଛି ରଜ ଲୋ
ହେବାଲୋ ସଖି ଆମେ ସଜବାଜ
ବାର ମାସରେ ତ ତେର ପର୍ବ ଯେ
ରଜ ତ ଅଟଇ ନିଆରା ଏକ
ଆଷାଢ଼ ମାସ ର ପ୍ରଥମ ଦିନ
ପହିଲି ରଜ ର ଖୁସି ଭରେ ତ
କୁଆଁରୀ ଝିଅ ସଜବାଜ ହୋଇ
ଆନନ୍ଦ ମନରେ ଦୋଳି ଖେଳେ ତ
ଓଡ଼ିଆ ମାନଙ୍କ ବଡ଼ ପରବ
ସବୁରି ମନରେ ଭରଇ ଆନନ୍ଦ
ଚାରି ଦିନ ଏହି ପାଳିତ ହୁଏ
କୃଷି ଭିତ୍ତିକ ମାଟି ମା ପୂଜା ପାଏ
ସବୁରି ଘରେ ତ ଆନନ୍ଦ ଥାଏ
ପିଠା ପଣା ରେ ବାସ୍ନା ମହକୁ ଥାଏ
ଆନନ୍ଦ ଉଲ୍ଲାସରେ ଫାଟି ପଡଇ
ରଜ ଗୀତ ରେ କୁଆଁରୀ ଝୁଲଇ
ଝିଅ ମାନଂକ ରଜଦୋଳି ଖୁସି ଲୋ
ପୁଅ ମାନଙ୍କ ବାଗୁଡ଼ି ତାସ୍ ଖେଳ
ଛୋଟ ଠାରୁ ତ ବୁଢ଼ା
ବୁଢ଼ୀ ସବୁ ଲୋ
ଆନନ୍ଦେ ପାଳନ୍ତି ଯେ ଏହି ରଜ ଲୋ
ଦିତୀୟ ଦିନ ରେ ରଜ ସଂକ୍ରାନ୍ତି
ରଜ ପାନ ରେ ତ ମଜା ଉଠାନ୍ତି
ତୃତୀୟ ଦିନରେ ଭୂମି ଦହନ ଯେ
କୃଷକ ଭାଇ ସବୁ ଲଙ୍ଗଳ ପୂଜେ
ରଜ ରେ ମାଟି ମା ରଜସ୍ଵଳା ଥାଏ
ଭୂଇଁ କୁ କେହି କଷ୍ଟ ଦେଇ ନ ଥାଏ
ଚତୁର୍ଥ ଦିବସେ ବସୁମତୀ ସ୍ନାନ
ବିଧି ଅନୁଯାୟୀ ହୁଅଇ ପାଳନ
ଏହି ଚାରି ଦିନ ମଉଜ ମସ୍ତିରେ
ସର୍ବେ କଟାନ୍ତି ଅତି ଆନନ୍ଦରେ
ରଜ ପର୍ବ ର ମହତ୍ତ୍ଵ ଅତି ସୁନ୍ଦର
ବାର୍ତ୍ତା ବହନ କରେ ଆମ ସଂସ୍କୃତିର।