ମଥାରୁ ଓଢଣୀ ଖସିଗଲା
ମଥାରୁ ଓଢଣୀ ଖସିଗଲା
ଚକାଆଖିଆକୁ ଦେଖୁ ଦେଖୁ ମୋର
ମଥାରୁ ଓଢ଼ଣୀ ଖସିଗଲା,
କାଳିଆ ମୁହଁରେ ଜଳ ଜଳ ହୋଇ
କହ୍ନେଇର ମୁହଁ ଦିଶିଗଲା
ଆଖିଠାରି ଯେବେ ହସିଦେଲା
କେମିତି କହିବି-ସଜନୀ ଗୋ ମୋର
ଛାତିରେ ଛନକା ପଶିଗଲା ।
କେଡ଼େ ରସିକିଆ ଠାକୁରଟି ସିଏ
ହୋଇଥିଲା କେତେ ସଜବାଜ
କେଡ଼େ ବଡ଼ ଯାତ ଭିଆଇ ଗଲା ଗୋ
ଭକତ ଗହଣେ ପରା ଆଜ
କି କହିବି ତା'ର ବାବଦରେ
ସାରା ବଡ଼ଦାଣ୍ଡ ଉଛୁଳି ଉଠିଲା
'ଜୟ ଜଗନ୍ନାଥ' ଶବଦରେ ।
ଲକ୍ଷ୍ମୀ ଠାକୁରାଣୀ ଏକା ରହିଗଲେ
ସାଥିରେ ଜମାରୁ ନେଲାନାହିଁ
ମନ୍ଦିର ଦାୟିତ୍ୱ ବୁଝିବ କହିକି
ଭାଇ ଭଗ୍ନୀ ସଙ୍ଗେ ଗଲା ଧାଇଁ
ତା' ମହିମା ଶୁଣି ଗଲି ସଖି
ମନଟାକୁ ମୋର ଚୋରେଇ ନେଲା ସେ
ମିଶିଗଲା ଯେହ୍ନେ ମୋର ଆଖି ।