Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Aishwarya Mishra

Children

4  

Aishwarya Mishra

Children

ମୋ ଗାଁ

ମୋ ଗାଁ

1 min
378


ଏ ମର୍ତ୍ତ୍ୟ ଭୁବନେ ବୈକୁଣ୍ଠ ସମାନ

ଅଟେ ମୋର ଛୋଟ ଗାଁ ଟି 

ପିଲାଦିନ ମୋର ବିତିଛି ତା' କୋଳେ

ରଖିବି ତାହାରି ନାଁ ଟି ।


ମାଟି ନୁହେଁ ସେ ତ ଅଟେ ମାତୃଭୂମି 

ମାଆ ପରି ସେ ନିଜର 

ତା'ର ଜହ୍ନରାତି, ଯାନି-ଯାତ୍ରା ଆଦି

ଲାଗଇ କେତେ ସୁନ୍ଦର ।


ବୈଶାଖ ଆସିଲେ ହସେ କୃଷ୍ଣଚୂଡ଼ା 

ନାଲି ପାଟ ଶାଢୀ ପିନ୍ଧି

ଆମ୍ବ ତୋଟା ମାଳେ କୋଇଲି ଗୀତରେ

ମନ ହୋଇଯାଏ ବାନ୍ଧି ।


ଶ୍ରାବଣ ମାସରେ ଝରଇ ବରଷା 

ଆନନ୍ଦେ ଉଛୁଳେ ଚାଷୀ

ଧାନ କ୍ଷେତରେ ତା' ସୁନାର ଫସଲ 

ଦେଖି ହେଉଥାଏ ଖୁସି ।


ଶରତ ଆସିଲେ କାଶତଣ୍ଡୀ ଫୁଟେ 

ଶୁଭେ ଘଣ୍ଟ ହୁଳହୁଳି

ଗ୍ରାମ ଦେବତୀଙ୍କ ଆରାଧନା ପାଇଁ 

ସଜାନ୍ତି ପୂଜାର ଥାଳି ।


ଶୀତର ସକାଳେ କାକର ବିନ୍ଦୁରେ

ଗାଁ ମୋ ଲାଗଇ ନିଆରା

ଗ୍ରାମ୍ୟ-ପଥ ପରେ ସଭିଏଁ ଏକାଠି

ଜମାନ୍ତି ଗପ ପସରା ।


ବସନ୍ତ ଆସନ୍ତେ ବାସଇ ବଉଳ 

ଚଉଦିଗ ମହକାଇ

ଭ୍ରମର ଉଡ଼ଇ ଫୁଲରୁ ଫୁଲକୁ

ଏଣୁତେଣୁ ଗୀତ ଗାଇ ।


ଯା' ପାଣି ପବନ ମଳୟ ଚନ୍ଦନ 

ତା' କୋଳେ ଜନମ ମୋର

ଯା'ର ଲୋକକଥା କଣ୍ଠେ ଦେଲା ଭାଷା

ସେହି ମୋର ସ୍ଵର୍ଗପୁର ।


Rate this content
Log in