ମନାସୁଛି ଶୁଭ

   

କଥା ଦେଇଥିଲ ପ୍ରିୟା ହେବାକୁ ନିଜର,

ଦୂରେ ଚାଲିଗଲ ମୋତେ କରିଦେଇ ପର ।

ମନେପଡ଼େ ତୁମର ଗୋ ଯେତେ ଠାଣି ବାଣୀ,

ମାନ ଅଭିମାନ ଆଉ ତେରେଚ୍ଛି ଚାହାଁଣି ।

କହିଥିଲ ସାତଜନ୍ମ ଯାଏ ସାଥୀ ଆମେ,

ଭୁଲିବନି ଆଉ କାହା ପ୍ରେମେ ପଡ଼ି ତୁମେ ।

କଥା ଦେଇଥିଲି ହେବି ଚିର ସହଚର,

ତୁମେ ଚାଲିଗଲ କିନ୍ତୁ କରି ହତାଦର ।

ଆଉ କାହା ବଧୂ ସାଜି ସିନ୍ଦୁର ନାଇଲ,

ବିରହ ଜୁଇରେ ମୋତେ ଜାଳିଦେଇ ଗଲ ।

ତୁମକୁ ମୁଁ ଝୁରିହୁଏ ଭୁଲି ଭୋକ ଶୋଷ,

ମୋତେ ପାସୋରିକି ସତେ କେମିତିକା ହସ ।

ତଥାପି ତୁମର ଏଠି ଶୁଭ ମନାସୁଛି,

ସୁଖରେ ସଂସାର ଗଢ଼, ମରି ମୁଁ ବଞ୍ଚିଛି ।