ଲାଇବ୍ରେରୀ
ପ୍ରୋଫାଇଲ୍
ମହାସୁଖ
ମହାସୁଖ
1 min
29
ଝିଅଟେ ଆସିଲା ପାଖରେ ବସିଲା
ଚୁପି ଚୁପି କାନେ କହିଲା
ଗାଲକୁ ମୋହର ଟିକିଏ ଚିମୁଟି
ମୁରୁକି ମୁରୁକି ହସିଲା
ତାର ହସ ଦେଖି ମନ ଗଲା ଲାଖି
ମନ କଁନ କଁନ ହୋଇଲା
ମନକଥା ମୋର କହିଲା ବେଳକୁ
ଟ୍ରିଙ୍ଗ ଟ୍ରିଙ୍ଗ ଟ୍ରିଙ୍ଗ ବାଜିଲା
ନିଦ ଭାଙ୍ଗିଗଲା ଝିଅ ଚାଲିଗଲା
ଆଲରାମ ଯେବେ ବାଜିଲା
ସ୍ୱପ୍ନର କଥା ସ୍ୱପ୍ନରେ ରହିଲା
ମନରେ ନିରସ ପଡିଲା,,
ସ୍ୱପ୍ନର ରାଣୀକୁ କେତେଯେ ଖୋଜିଲି
କେଉଁଠି ତାକୁ ନ ପାଇଲି
ମନ ତ ଦେଇଛି ସ୍ୱପ୍ନର ରାଣୀକୁ
ନିରସ ମନରେ ରହିଲି.....
ସପନର ରାଣୀ ସପନେ ହଜିଲା
ସପନ ରାଇଜେ ଖୋଜିଲି
ସପନ ଯେ କେବେ ସତ ହୁଏନାହିଁ
ପ୍ରକୃତ ପ୍ରମାଣ ପାଇଲି.....
ଶୋଇ ଶୋଇ ଯେଉଁ ସ୍ୱପ୍ନ ଦେଖାଯାଏ
ତାକୁ ସ୍ୱପ୍ନ କୁହାଯାଏନା
ପ୍ରକୃତ ସ୍ୱପ୍ନ ତ ତାହା ହୋଇଥାଏ
ଯାହା ଶୋଇ ବାକୁ ଦିଏନା.....
ଶୋଇ ଶୋଇ ଯିଏ ସ୍ୱପ୍ନ ଦେଖୁଥାଏ
ସିଏ ଅଟେ ଅଳସୁଆ
ଭବିଷ୍ୟତ ସ୍ୱପ୍ନ ପାଇଁ ଯିଏ କର୍ମ କରେ
ସିଏ ଅଟେ କାମିକିଆ.....
ଶୋଇ ଦେଖିଥିବା ସ୍ୱପ୍ନ ଦେଇଥାଏ
ଜୀବନରେ ଖାଲି ଦୁଃଖ
ଜୀବନ ଗଢିବା ସ୍ୱପ୍ନ ଦେଇଥାଏ
ଜୀବନରେ ମହାସୁଖ....।
