ଖୁସିରେ ହସିବ ଭାରତ

କିଏ ଏଠି ହିନ୍ଦୁ କିଏ ମୁସଲମାନ

କିଏ ଅଟେ ଶିଖ କିଏ ଖ୍ରୀଷ୍ଟିୟାନ

       ସମସ୍ତେ ଅଟନ୍ତି ସମାନ

ଧର୍ମ ଧର୍ମ କହି ପରସ୍ପର ମଧ୍ୟେ

        କରିଥାନ୍ତି ବେଇମାନ ।

ଜନମ ହୋଇଲେ ମରିବା ନିଶ୍ଚିତ

         ସବୁ ଧର୍ମରେ ଅଛି

ତୁମେ ତ ମଣିଷ ଆମେ ତ ମଣିଷ

      ହେବା କିଆଁ ବଛା ବଛି ।

ଭାବିଛକି ଥରେ କେବେ ବିପଦରେ

       ରକ୍ତ ଦରକାର ପଡିଛି

ରକ୍ତ ଭଣ୍ଡାର କୁ ଯାଇକରି କିଏ

       ନିଜ ଧର୍ମ ରକ୍ତ ମାଗିଛି ।

ତୁମେ ବି ବଞ୍ଚିଛ ଆମେ ବି ବଞ୍ଚିଛୁ

      ଖୁସିରେ ଏ ଧରାଧାମରେ

ମିଳିମିଶି ଆମେ ଚଳିବା ଭାଇ

        ଆମରି ଭାରତ ବର୍ଷରେ,,

ତମର ଭାରତ ଆମର ଭାରତ

       ଦୁହିଁଙ୍କର ଅଟେ ଭାରତ

ମିଳିମିଶି ଯଦି ଆମେ ଚଳିବା

      ଖୁସିରେ ହସିବ ଭାରତ ।