ମାତୃଭାଷା

ବିଶ୍ଵ ଦରବାରେ ଭାଷା ମହାରଥୀ

    ରଖିଗଲେ କେତେ ଯଶ,

ସେହି ଯଶ କୀର୍ତ୍ତି ଆଗେଇ ନେବାରେ

   ଭାଷା ପ୍ରେମୀଗଣ ଆସ ।

ରଚିଥିଲେ ମାତୃଭାଷାରେ କର୍ଣାର୍କ

    ଭଗ୍ନରୂପ କୀର୍ତ୍ତି ରାଜି,

ବିଶ୍ଵ ଇତିହାସେ ଶୀର୍ଷ ସ୍ଥାନ ଦେଲେ

    ସାହିତ୍ୟ ପୁରଧା ସାଜି ।

ପ୍ରାଚୀନ ଐତିହ୍ୟ ଇତିହାସ ନେଇ

    ହୋଇଛି ସେ ପରିପୃଷ୍ଟ,

ସାହିତ୍ୟ କ୍ଷେତ୍ରରେ ସବୁଭାଷା ଠାରୁ

    ମାତୃଭାଷା ମୋ ଉତ୍କୃଷ୍ଟ ।

ଆମ ମାତୃଭାଷା ବିନାଶ ପାଇଁ କି

   ପଡୋଶୀ ଟେକିଲେ ମଥା,

କେତେ ଆନ୍ଦଲନେ ଦୃଢ ଜବାବରେ

   ତାଙ୍କ ଚେଷ୍ଟା କଲେ ବୃଥା ।

ଦୁଃଖ କଷ୍ଟ ସହି ଭାଷାକୁ ଆମର

    ରଥିଥିଲେ ସେ ବଞ୍ଚାଇ,

 ଆମେ ଯଦି କାଲି ଇଂରାଜୀ କହିବା 

  ଲୋଡାଥିଲା କାହା ପାଇଁ ।

ଓଡ଼ିଆ ଭାଷା ଆମ ମାଆ, ମାତୃଭାଷା 

    କରିବାନି କେବେ ପର,

ଏବେ ଯଦି ତାକୁ ସୁରକ୍ଷା କରିବା

    ଭବିଷ୍ୟତକୁ ନାହିଁ ଡର ।।