ପ୍ରେମ କାହାଣୀ

କଥା ଥରେ ମୋର ଶୁଣ ଗୋ ରାଣୀ

ଏହା ହିଁ ମୋର ମରମ ବାଣୀ

ମୁଁ ତମ ରାଜା ତୁମେ ମୋ ରାଣୀ

ଲେଖିବା ଆସ ପ୍ରେମ କାହାଣୀ ।

ପ୍ରିୟା ପରା ମୋ ଝରା ଶ୍ରାବଣୀ

ଭିଜେଇ ଦିଏ ତା ପ୍ରେମ ପାଣି

ବାଦଲ ତଳେ କେତେ ଚାହାଣି

ଲଗାଇ ଦିଏ ପ୍ରେମ ମୋହନୀ ।

ପ୍ରିୟା ମୋର ବଡ ଅଭିମାନୀ

ଦେଖିଲେ ମୋତେ ହସେ ସେ ପୁଣି

ମୋ ପ୍ରତି ସେ ଜମା ରାଗେନି

 ରୂପରେ ସୁନ୍ଦର ମୋନରେ ଧନୀ ।

ପ୍ରିୟା ମୋର ଭାରି ଅଭିମାନୀ

କଣ ସେ କହେ ଜାଣି ପାରେନି

କରେନି କେବେ ମୋ ମାନ ହାଣି

ଜାଣି ହେଉ ଅବା ନ ଜାଣି ଶୁଣି ।

ଚାହାଣି ତାର ରାଗ ରାଗିଣୀ

ତା ପ୍ରେମେ ମୋତେ କରିଛି ଗୁଣି

ଜନ୍ହ ରାଇଜର ସେ ମୋ ରାଣୀ

ଏହା ହିଁ ମୋର ପ୍ରେମ କାହାଣୀ ।