ଫୁଲର ଦେବତା କିଏ ?

କେଡେ ସରାଗରେ ଫୁଲଟିଏ ଫୁଟେ

   କଣ୍ଟା ର ଗହଣରେ,

ରଙ୍ଗ ବେରଙ୍ଗରେ ସଜେଇ ହୁଏ

    ସେ ଆମ ବଗିଚାରେ ।

ଫୁଲର ଦେବତା କାହାକୁ କହିବା

   ଯିଏ ତାକୁ ସୃଷ୍ଟି କଲା,

ନା, ଗଛକୁ ବଢେଇ ଯତନ କରି

   ଯେ ଫୁଲ ଫୁଟାଇଲା ।

କେତେ ଦୁଃଖ କଷ୍ଟ ଯନ୍ତ୍ରଣା ସହି

   ମାଳି ଗଛେ ପାଣି ଦେଲା,

ଯେତେବେଳେ ଗଛେ ଫୁଲ ଫୁଟିଗଲା

    ବିଧାତାର ହୋଇଗଲା ।

ଜୀବିକାକୁ ନେଇ ଫୁଲମାଳ ଗୁନ୍ଥି

   ମନ୍ଦିରରେ ଯେ ବିକୁଥାଏ,

ଫୁଲର ଅସଲି ଦେବତା ଭାବରେ

    ପରିଚିତ କି ସେ ହୁଏ ।

ଫୁଲ ବିନିମୟେ କେଇ ଟଙ୍କା ଦେଇ

    ଯିଏ କିଣିନିଏ ତାକୁ,

ଫୁଲର ଦେବତା କହିବାକି ଆମେ

    ଟଙ୍କା ଦିଆ ଗ୍ରାହକକୁ ।

ସୋନ୍ଦର୍ଯ୍ୟ ଦେଇ ଯେ ଗଢି ତଳିଅଛି

    ସେ ହୁଏ କି ଦେବତା,

ନା, ଫୁଲ ଯାହାପାଖେ ସମର୍ପଣ ହୁଏ 

    ସେ ହିଁ ତାର ବିଧାତା ।।