ବର୍ଷା ଆବର୍ତ୍ତନ

ସ୍ତବ୍ଧ ଏ ଆକାଶ ଆଜି ଅଦୃଶ୍ୟ
       କଳାମେଘର ଆଛନ୍ନେ,
ସୁସଜ୍ଜିତ ହୋଇଛି ବରଷା ରାଣୀ
       ନୃତ୍ୟର ପ୍ରଦର୍ଶନେ ।

କ୍ଷଣିକ ମଧ୍ୟେ ରୂପା ବିନ୍ଦୁର ଛିଟା
     ଛିଞ୍ଚି ଦେଇଗଲା ଧରାକୁ,
ଦ୍ରୁତ ଗତିରେ ବର୍ଷା ପାଣି ସୁଅ
    ପ୍ରବାହିତ ହେଲା ନଦୀକୁ ।

ବର୍ଷାର ଗଭୀର ସାୱାର ଶବଦ 
      ରେଖାପାତକଲା ମନେ,
ପିଲାଦିନର ସେ ସୁବର୍ଣ୍ଣ ମୁହୂର୍ତ୍ତ
     ମନେ ପକାଇଲା ଘନେ ।

ଭାସେଇଥିବା କାଗଜ ଡଙ୍ଗାଟି
      ବୁଡି ନ ଯାଉ ବୋଲି,
ସବୁଠାରୁ ଏହା କଠିନ ପ୍ରାର୍ଥନା
      ଭଗବାନଙ୍କୁ କରୁଥିଲି ।

ନୀଳ ଆକାଶରେ ଇନ୍ଦ୍ରଧନୁ ଦେଖି
     ଖୁସିରଙ୍ଗ ଲାଗିଗଲା,
ପ୍ରଚଣ୍ଡ ଘଡଘଡିର ଶବ୍ଦ ହିଁ
     ଏକମାତ୍ର ଭୟ ଥିଲା ।

ଝରକାକଡେ ବସି ଗରମ ଖାଦ୍ୟ
      ଖାଇବାର ଇଚ୍ଛା ଥାଏ,
ସସ୍ପେଣ୍ଡରେ ଗରମ ଧୂଆଁ ଦେଖି
     ମନ ସନ୍ତୋଷ ହୁଏ ।


ଲୋଚନ ମେହେର
ଗଙ୍ଗାଧର ମେହେର ବିଶ୍ୱ ବିଦ୍ୟାଳୟ ଓଡ଼ିଆ ବିଭାଗ, ସମ୍ବଲପୁର