ପ୍ରେମ ସ୍ପର୍ଶ

ପ୍ରିୟା ଆଜି ତୁମ ଉଷୁମ ସ୍ପର୍ଶରେ 

    ଶ୍ରିହରଣ ଖେଳିଗଲା,

ଲୀନ ହୋଇଥିବା ପ୍ରେମର ଗର୍ତ୍ତରେ 

     ଜଳରାଶି ଭରିଗଲା ।

ପ୍ରଜାପତି ପରି ତୁମରି ଏ ଓଠ 

    ଚୁମିଦେଇ ଚାଲିଗଲା,

ମାଦକତା ଭରା ଏ ମୋର ଓଠରେ 

     ଆଦ୍ରତା ଆସିଗଲା ।

ତୁମ ଆଳୀଙ୍ଗନେ ଏ ମୋର ମନରେ 

     ଝଡ଼ ବର୍ଷା ସୃଷ୍ଟି ହେଲା,

ପ୍ରେମର ସ୍ପର୍ଶରେ ଦେହକୁ ମୋହର 

     ଓଦା କରି ଦେଇଗଲା।

ବାନ୍ଧିହୋଇଗଲା ହାତ ଦୁଇଟି ମୋର 

    ତୁମ ବାହୁ ବନ୍ଧନରେ,

ଲୁଚି ଯିବାକୁ ଅଧିର ଏ ମୋର ମନ 

    ପ୍ରେମର ଘଞ୍ଚ ଅରଣ୍ୟରେ ।

ସକାଳୁ ସକାଳୁ ପ୍ରାତଃ ସମୟରେ 

    ତୁମ ଛୁଆ ଟିକେ ପାଇ,

ଉତ୍ତପ୍ତ ଶରୀର ଶାନ୍ତ ହୋଇଗଲା 

    ଶିଶିର ବିନ୍ଦୁଟେ ହୋଇ ।।