ଆଲୋକର ପର୍ବ ଦୀପାବଳି
ଆଲୋକର ପର୍ବ ଦୀପାବଳି
ଘରକୁ ସଜେଇ ଅନ୍ଧାର ଦୂରେଇ
ମାଟିଦୀପ ଟିଏ ଜାଳି,
ନିଆରା ଢଙ୍ଗରେ ପାଳନ କରିବା
ଆଲୋକର ପର୍ବ ଦୀପାବଳି ।
ଧରା ପୃଷ୍ଠରେ ଅବତୀର୍ଣ୍ଣ ହୋଇ
ପୂଜା ହେବେ ଶ୍ୟାମକାଳୀ,
ବିପଦ ଆପଦୁ ଉଦ୍ଧାର କରିବେ
ଦେବେ ସେ କରୁଣା ଢାଳି ।
ଦୀପାବଳୀ ଦିନ ପ୍ରଭୁ ରାମଚନ୍ଦ୍ର
ଅଯୋଧ୍ୟାକୁ ଥିଲେ ଫେରି,
ସ୍ଵାଗତ ଉଦେଶ୍ୟରେ ସହର ବାସି
ଜାଳିଥିଲେ ଦୀପ,ଦିପାଳୀ ।
ଆନନ୍ଦ ଉଲ୍ଲାସେ ମା ଲକ୍ଷ୍ମୀ ଙ୍କୁ
କରନ୍ତି ସର୍ବ ପୂଜନ,
ସନ୍ତୁଷ୍ଟ କରି ମା'ଙ୍କ ଠାରୁ ପ୍ରାପ୍ତ
କରନ୍ତି ଧନ ରତନ ।
ନିଷ୍ଠା ଭକ୍ତିରେ ଅମାବାସ୍ୟା ତିଥିରେ
ପୂଜନ୍ତି ମା ଶ୍ୟାମକାଳୀ,
ବଡବଡୁଆଙ୍କୁ ଡାକନ୍ତି ପୁଣି
କାଉଁରିଆ କାଠି ଜାଳି ।
ପିଲାମାନେ ସବୁ ଫଟକା ଫଟାନ୍ତି
ପୃଥିବୀକୁ ଧୂଆଁ ଛାଡ଼ି,
ଆନନ୍ଦ ଲଭନ୍ତି ନିଶ୍ଚଳ ମନରେ
ଶବ୍ଦ ପ୍ରଦୂଷଣ କରି ।
ଘରେଘରେ ମାଆ ତିଆରି କରନ୍ତି
ପିଠାପଣା ସଙ୍ଗେ ମିଠା,
ଖୁସିର ସମ୍ଭାରେ ଖାଆନ୍ତି ସଭିଏଁ
ମନକୁ ନ କରି ଖଟା ।
ଭାଇ ବନ୍ଧୁ ସଭିଏଁ ଏକାଠି ମିଶି
ନ କରି ଆମେ କଳି,
ମହାଆନନ୍ଦରେ ପାଳନ କରିବା
ଆଲୋକର ପର୍ବ ଦୀପାବଳି ।