ପ୍ରେମ ଜ୍ଵଳା

ଏକାନ୍ତ ବଞ୍ଚିଛି

ତୁମେ ଗଲା ପରେ

ଏକା ଏକା ସଂସାରରେ,

ଦୁଃଖ କହିବାକୁ

ଖୁସି କହିବାକୁ

କେହି ନାହିଁ ନିକଟରେ।

ରାତି ବିତିଯାଏ

ଅନିଦ୍ରାରେ ପ୍ରିୟେ

ଲୁହ ଭିଜା ତକିଆରେ,

କାହିଁକି ଲୁହ ଯେ

ଗଡାଉଛ ବୋଲି

ପଚାରେ ନାହିଁ କେ ଥରେ।

ଦେଖିବା ସୁଯୋଗ

ନାହିଁ ଯେ କାହାର

ଗଡନ୍ତା ଉତ୍ତପ୍ତ ଲୁହ,

ଅସମ୍ଭାଳ ହୁଏ

ଆୟତ୍ତ କରିବା

ଉଠୁଥିବା ସବୁ କୋହ।

ଏକା ଏକା ମୁହିଁ

ସବୁ ସମ୍ଭାଳଇ

କାହାକୁ କହିବି କୁହ,

ତୁମେ ଯିବା ପରେ

ଏଭଳି ବଞ୍ଚିଛି

ଆହେ ପ୍ରିୟା ତୁମ ପ୍ରିୟ।