ଲୁହରେ ସଜେଇ ନିଜକୁ ଭିଜେଇ ପାଉନି ଏମିତି ବଳ

ଲୁହରେ ଭିଜେଇ ନିଜକୁ ସଜେଇ

ପାଉନି ଏମିତି ବଳ

ପଛକୁ ଦେଖୁଛି ଆଗକୁ ଦେଖୁଛି

ଗଡ଼ାଏ ଯାହା ମୁଁ ବେଳ 

...........ଲୁହରେ ଭିଜେଇ ନିଜକୁ ସଜେଇ

           ପାଉନି ଏମିତି ବଳ ! ୦ !

କଥାରୁ କାହାଣୀ ନିଜେ ମୁଁ ପଢୁଚି

ନୀରବି ଗଲିଣି ଆଉ

ବିଶ୍ବାସ ଭିତରୁ ନିଃଶ୍ୱାସ ଟିକକ

ଛାଡ଼ିଲା ପରିକା ଦାଉ

ଆକାଶ ଚାହିଁଲେ ଧୂସର ଦିଶୁଚି

ମୋ ପାଇଁ ହେଇନି ନୀଳ

...........ଲୁହରେ ଭିଜେଇ ନିଜକୁ ସଜେଇ

           ପାଉନି ଏମିତି ବଳ ! ୧ !

ଭୂମିରୁ ଭୂମାକୁ ସ୍ବାଗତ ବରଣ

ଉଭେଇ ଗଲାଣି ଆଜି

ପ୍ରେମର ବରଷା ମରୁଡ଼ି ଭାଷାକୁ

ସତେ କି ହେଲାଣି ରାଜି

ଖେଳିବା ପାଇଁକି ଭାଗ୍ୟକୁ ମିଳିଛି 

କଠିନ ଜୀବନ ଖେଳ 

ଲୁହରେ ଭିଜେଇ ନିଜକୁ ସଜେଇ

           ପାଉନି ଏମିତି ବଳ ! ୨ !