କନ୍ୟାଭୃଣ ବିଳାପ

ଅନ୍ଧାର ରାତିର ଶୂନଶାନ

ଭୟତ୍ରସ୍ତ କର୍କଶ ଶ୍ଵାନ ଝିଙ୍କାରି ଙ୍କ

ଲୋମହର୍ଷଣକାରୀ ଆତ୍ମ ବିଦାର ଶବ୍ଦ ,

ନିର୍ଯ୍ୟାତିତ ନାରୀ ହୃଦୟର

ଜଳାର୍ଣ୍ଣବ ଜୀବନ 

ଜଳାବର୍ତ୍ତ ଜୀବନ ତା' ପ୍ରାଣରେ

କୃର ଅତ୍ୟାଚାରୀ ପୁରୁଷ ର ଅଙ୍ଗୁଳି ଇଙ୍ଗିତ ରେ

ଆଉ ତା ' ଲୋଲୁପ ଦୃଷ୍ଟି ରେ ।

ଭୟାନବ କୃପାଣରେ 

ଭୂମିଷ୍ଠ ହେବା ପୂର୍ବରୁ

ନାରୀ ପିଣ୍ଡ ର ଖଣ୍ଡ ଖଣ୍ଡ ମାଁ

ବୁଣି ହୁଏ ହେବା ପାଇଁ ବିଲୁଆ ଶାଗୁଣା ଙ୍କ ଆହାର

ପୁଣି କେତେବେଳେ ଯେ କନ୍ୟାଭୃଣ

ଅପେକ୍ଷା କରିଥାନ୍ତି

ବନାଇବାକୁ ନିଜ ଏନ୍ତୁଡ଼ିଶାଳ

କେଉଁ ରାସ୍ତା କଡ଼ କୁ ତ ପୁଣି କେତେବେଳେ 

ନାଳନର୍ଦ୍ଦମା ଆଉ ପଲିଥିନ୍ ଗଦା କୁ ।

କନ୍ୟା ଭୃଣ କେବେ ତ ସାଜିଥିଲା 

ପ୍ରଣୟିନୀ , ମାତା , ଭଗିନୀ, ଆଉ ଶିକ୍ଷୟିତ୍ରୀ !

ଅନ୍ୟ ପାଇଁ ଦେଇଥିଲା

ଆପଣା ଜୀବନକୁ ଜଳାଞ୍ଜଳି ,

ପୁଣି କାହିଁକି ଆଜି ନିଷ୍ପାପ କନ୍ୟା ଭୃଣ ଉପରେ

ଏ ଅନ୍ୟାୟ ଆଉ ଅତ୍ୟାଚାର ?

ଆଜି କନ୍ୟା ଭୃଣ ଭୟରେ ରାତ୍ରି ର ନିର୍ଜନତାକୁ

ଅସୁରକ୍ଷିତ ଶୃଙ୍ଖଳାବିହୀନ ସମାଜରେ

ଝିଅ ଟିଏ ସାଜେ ଜନ୍ମ ନେବାକୁ ,

ଘୃଣା କରେ ପଶୁ ତୁଲ୍ୟ ମାନବ ସମାଜରେ

ମାତା , ଭଗ୍ନୀ ଆଉ ପତ୍ନୀ ର ପରିଚୟ ନେବାକୁ ।

କିଏ ଶୁଣିବ କନ୍ୟା ଭୃଣ ର ଏକ କରୁଣ ବିଳାପ !

ହା ହର୍ତ୍ତାକର୍ତ୍ତା

କନ୍ୟା କ'ଣ ଏତେ ଅଲୋଡ଼ା. ?

ନିଜ ପରିବାର କୁ ଚିହ୍ନିବା ପୂର୍ବରୁ

ଦେଇ ଦେଲ ଏତେ ବଡ଼ ଅଭିଶାପ

ଈଶ୍ୱର! ପାଦ ପଙ୍କଜ ରେ ଏତିକି ମିନତି ମାତ୍ର

ସମର୍ପି ଦିଅ କନ୍ୟା ଭୃଣ କୁ

ତା'ର ଅସ୍ତିତ୍ବ , ପରିଚୟ ଆଉ ଅଧିକାର ,

ଗଢ଼ି ଦିଅ ନାରୀ ପାଇଁ ସୁରକ୍ଷା ର ଆବଦ୍ଧ ପଞ୍ଜୁରୀ. ।