ନଇଁ ନାହିଁ ମଥା

ଦେଇଥିଲି କଥା ନଇଁ ନାହିଁ ମଥା

କରିନି ମୁଁ ବେଇମାନି

ଶବ ମୋର ଆଜି ଉଠେ ଏ ଦେଶରୁ

ଶୁଭେ ବିଜୟର ଧ୍ଵନି ।

ଯୁଦ୍ଧ ମୁଁ କରିନି ବିଜୟୀ କିପରି

ମନରେ ମେଞ୍ଚାଏ ଗ୍ଳାନି

ଅତୃପ୍ତ ଆତ୍ମା ମୋ ଆଜି ବି ଖୋଜୁଛି

କୁଆଡ଼େ ଗଲେ ସେ ଖୁନି ।

ତଥାପି ମୋ ଦେଶ ଅଟେ ମହନୀୟା

ଘୋଡ଼ାଇ ପଣତ କାନି

ଦମ୍ଭ ସହକାରେ ଜଣାଇ ସଲାମ

କାନ୍ଦେ ପୁଣି ତୁନି ତୁନି ।

ମାଟି ମା ଆଖିରୁ ଲୁହ ପୋଛିବାକୁ

ଜାଳି ପ୍ରତିଶୋଧ ବହ୍ନି

ପ୍ରସ୍ତୁତ ହୁଅରେ ବୀର ସଇନିକ

ଏବେଠୁ ଶତ୍ରୁକୁ ଚିହ୍ନି ।